मैलुङ खोला जलविद्युतको हकप्रद निष्कासन तथा बिक्री प्रबन्धकमा मुक्तिनाथ क्यापिटल नियुक्त

काठमाण्डौ । मैलुङ खोला जलविद्युत कम्पनी लिमिटेडले हकप्रद सेयर निष्कासन प्रयोजनका लागि बिक्री प्रबन्धक नियुक्त गरेको छ । कम्पनीले मुक्तिनाथ क्यापिटल लिमिटेडलाई हकप्रद निष्कासन तथा बिक्री प्रबन्धकको रुपमा नियुक्त गरेको हो ।

यससम्बन्धी कम्पनी र क्यापिटलबीच सम्झौता समेत सम्पन्न भएको छ । कम्पनीले हाल कायम चुक्तापूँजी ३७ करोड ६३ लाख १९ हजार ८ सय रुपैयाँको १ः०.७० अनुपातमा हकप्रद निष्कासन गर्ने तयारी गरेको छ ।

विंस २०८२ पुस २८ गते सम्पन्न भएको कम्पनीको १२ औं वार्षिक साधारण सभाले हकप्रद निष्कासनको प्रस्ताव पारित गरेको थियो ।