सभामुखको सिफारिसमा राष्ट्रपति पौडेलले हटाए प्रतिनिधिसभाको सचिव हर्कराज राई

काठमाण्डौं । प्रतिनिधिसभाका सचिव हर्कराज राईलाई पदबाट हटाएका छन् ।  

सभामुख डोलप्रसाद अर्यालको सिफारिसका आधारमा राष्ट्रपति रामचन्द्र पौडेलले राईलाई पदमुक्त गरेको राष्ट्रपति कार्यालयले जनाएको छ ।

राष्ट्रपति कार्यालयका प्रवक्ता रितेशकुमार शाक्यका अनुसार सभामुख अर्यालको २०८३/०१/२८ गतेको सिफारिसपछि संघीय संसद् सम्बन्धी कानूनी  व्यवस्था अनुसार निर्णय गरिएको हो ।  

सो सिफारिसअनुसार “संघीय संसद्का महासचिव, प्रतिनिधिसभाका सचिव तथा राष्ट्रियसभाका सचिवको पारिश्रमिक, सेवाका शर्त र सुविधासम्बन्धी ऐन, २०७५” को दफा ६ को खण्ड ९ङ० बमोजिम कारबाही गरिएको हो ।

उक्त कानूनी  प्रावधानअनुसार हर्कराज राईलाई २०८३/०१/२९ गतेदेखि लागू हुने गरी प्रतिनिधिसभाको सचिव पदबाट हटाइएको राष्ट्रपति कार्यालयले स्पष्ट पारेको छ ।

राष्ट्रपति कार्यालयले जारी गरेको विज्ञप्तिमा सभामुखको सिफारिसअनुसार आवश्यक कानूनी प्रक्रिया पूरा गरी निर्णय गरिएको उल्लेख गरिएको छ ।