अण्डाको मूल्य बढ्यो, प्रतिक्रेट कति ?

काठमाण्डौ । नेपाल लेयर्स कुखुरापालक संघले अण्डाको मूल्य बढाएको छ । संघले सोमबारदेखि लागू हुनेगरी अण्डाको मूल्य बढाउने निर्णय गरेको हो ।

जेठ ३ गते बसेको संघको भुर्चअल बैठकमा अण्डा उत्पादकहरुको राय परमार्श र सिफारिस अनुसार चितवनलाई आधारमानि अण्डाको फार्म समर्थन मूल्य निर्धारण गरिएको हो ।

नयाँ मूल्यसूची अनुसार एक्स एल अण्डाको प्रतिक्रेट मूल्य ३० रुपैयाँले बढ्दै ५३० रुपैयाँ कायम भएको छ ।

यस्तै ठूलो अण्डाको मूल्य पनि प्रतिक्रेट ३० रुपैयाँले बढ्दै प्रतिक्रेट ५१५ रुपैयाँ पुगेको छ । सबैभन्दा बढी मूल्य वृद्धि मिडियम अण्डाको भएको छ । यो अण्डाको मूल्य ५० रुपैयाँले बढ्दै प्रतिक्रेट ४८५ रुपैयाँ कायम भएको छ ।

यसैगरी सानो अण्डाको मूल्य ३८५ रुपैयाँ पुगेको छ ।

संघले उपभोक्ता मूल्य प्रतिगोटा २५ रुपैयाँ कायम गरेको छ ।