(1).gif)
(2).gif)
.png)
काठमाण्डौं । प्रहरीले रसुवाबाट ठूलो परिमाणमा अमेरिकी डलरसहित एक जनालाई पक्राउ गरेको छ ।
काठमाडौंबाट टिमुरेतर्फ जाँदै गरेको यात्रुबाहक बसमा गरिएको चेकिङका क्रममा ४३ हजार अमेरिकी डलर फेला परेपछि प्रहरीले एक यात्रुलाई नियन्त्रणमा लिएको हो ।
(2).gif)
.gif)
(1).gif)
प्रहरीका अनुसार रसुवाको उत्तरगया गाउँपालिका अन्तर्गत बेत्रावती बजारस्थित पासाङल्हामु सडकखण्डमा सवारी चेकजाँचका क्रममा उक्त रकम बरामद गरिएको हो ।
पक्राउ पर्ने व्यक्ति धादिङका ३७ वर्षीय सुशील गुरुङ रहेको प्रहरीले जनाएको छ ।
सुरक्षा स्रोतका अनुसार नियमित निगरानीका क्रममा बसमा सवार गुरुङमाथि शंका लागेपछि जाँच गर्दा उनीसँग स्रोत नखुलेको ४३ हजार अमेरिकी डलर फेला परेको थियो ।
उक्त रकम नेपाली रुपैयाँमा ठूलो परिमाण बराबर पर्न आउने प्रहरीले जनाएको छ ।
.gif)
(1).gif)
घटनापछि प्रहरीले गुरुङलाई थप अनुसन्धानका लागि राजस्व अनुसन्धान विभाग पठाएको छ ।
विदेशी मुद्रा ओसारपसार, स्रोत खुलाउन नसकिने नगद कारोबार तथा सम्भावित हुण्डी कारोबारको कोणबाट अनुसन्धान अघि बढाइएको बताइएको छ ।
नेपाल–चीन व्यापारिक नाका जोड्ने रसुवा क्षेत्रमा पछिल्लो समय अवैध मुद्रा कारोबार, सुन तस्करी तथा हुण्डी कारोबार नियन्त्रणका लागि सुरक्षा निकायले निगरानी कडा बनाउँदै आएका छन् ।
प्रहरीले पछिल्ला महिनाहरूमा पनि ठूलो परिमाणमा विदेशी मुद्रा र अवैध सामानसहित विभिन्न व्यक्तिलाई पक्राउ गर्दै आएको छ ।
.png)
