डिम्याट र मेरो सेयर नभएर आईपीओ भर्न पाउनु भएको छैन ? प्रभु क्यापिटलमार्फत यसरी सहजै खोल्न सकिन्छ

काठमाण्डौ । पछिल्लो समय डिम्याट खाता खोलेर सेयरबजारमा प्रवेश गर्ने लगानीकर्ताहरुको संख्या बढ्दै गइरहेको छ ।

एकपछि एक गर्दै विभिन्न कम्पनीहरुको प्राथमिक सेयर ९आइपीओ०निष्कासन हुन थालेपछि डिम्याट र मेरो सेयरको खाता खोल्नेहरुको संख्या पनि थपिदै गएको छ ।

अझैपनि नेपालको कुल जनसंख्यामध्ये आधा भन्दा बढीले डिम्याट र मेरो सेयरको खाता खोलेका छैनन् । नयाँ कम्पनीको आइपीओ भर्न वा धितोपत्र दोस्रो बजारमा प्रवेश गर्न चाहानेहरुले सर्वप्रथम डिम्याट खाता खोल्न जरुरी हुन्छ ।

नेपाल धितोपत्र बोर्डले एकपछि एक गर्दै विभिन्न कम्पनीको सेयर निष्कासनलाई अनुमति दिन थालेको छ र आइपीओ निष्कासन हुने क्रम पनि जारी छ । तर कतिपयलाई भने आइपीओ भर्ने विषयको ज्ञान समेत छैन ।

सेयरमा लगानी गर्न चाहाने तर त्यसको लागि के–के प्रक्रिया पुरा गर्नुपर्छ भन्ने कुराको जानकारी नभएको हुन सक्छ । अझ आइपीओको विषयमा थाहा भएर पनि सेयरमा कसरी लगानी गर्ने वा आइपीओ कसरी भर्ने विषयको जानकारी नहुनेको संख्या धेरै छ ।

 

प्रभु क्यापिटलको अनलाइनमार्फत डिम्याट खोल्नका लागि केही डकुमेन्ट र विभिन्न प्रक्रिया अपनाउनुपर्ने हुन्छ । प्रभु क्यापिटलले अनलाइनमार्फत दिइने आवेदनलाई अझ सहज बनाउनका लागि तीनवटा स्टेप उल्लेख गरेको छ । जसमा पहिलो चरणमा आफ्नो विवरण भर्ने, दोस्रोमा आवश्यक डकुमेन्टहरु अपलोड गर्ने र तेस्रो चरणमा भिडियो कलमार्फत भेरिफिकेसन गराउने ।

आवेदनका लागि चाहिने कागजात ९डिजिटल कपि हुनुपर्ने०

– दुवै कान स्पष्ट देखिने गरी हालसालै खिचेको पासपोर्ट साइजको फोटो

– दस्तखत ९अन्यत्र कतै प्रयोग नभएको सादा पेपरमा कालो पेनले गरेको हुनुपर्ने०

– औंठा छाप ९ल्याप्चे० अन्यत्र कतै प्रयोग नभएको सादा पेपरमा दायाँ र बायाँ छुट्याइएको हुनुपर्ने । नागरिकता, लाइसेन्स वा अन्यत्र प्रयोग भएको औंठा छापा प्रयोग गर्न नपाइने ।

– नागरिकताको अगाडी र पछाडीको भाग स्पष्ट देखिने गरी खिचेको फोटो

– सक्कल नागरिकता हातमा लिएर अनुहार तथा हातमा लिएको नागरिकता देखिने गरी खिचिएको फोटो हुनुपर्ने । ९नोटः यस्तो फोटोमा नागरिकता तथा जन्मदर्ताको विवरण पढ्न मिल्ने गरी खिचिएको हुनुपर्नेछ । अन्यथा पढ्न नमिलेको खण्डमा रुजु नहुने भएका कारण आवेदन रद्ध हुनेछ ।०

– नाबालकको हकमा ९१८ वर्ष भन्दा मुनी० जन्मदर्ता अनिवार्य हुनुपर्ने । साथै संरक्षकमा बुवा वा आमा हुनुपर्ने । जन्मदर्ता बाहेक अन्य कागजातहरु जस्तै ः अस्पतालको जन्मदर्ताको प्रमाणपत्र, नावालक परिचयपत्र मान्यहुने छैन ।

– लोकेसन म्याप आफू हाल बसोबास गरिरहेको घरबाट नजिकैको कुनै प्रचलित स्थान हुने गरी स्पष्ट हुनुपर्ने ।

पछिल्लो समय सेयरमा लगानी गर्न नेपालका मर्चेण्ट बैंकहरुले सहजीकरण गर्दै आएका छन् । इच्छुक लगानीकर्ताले अब घरमै बसेर अनलाइन माध्यमबाटै आइपीओ भर्न वा दोस्रो बजारमा प्रवेश गर्नका लागि प्रक्रिया पुरा गर्न सक्नेछन् । यसका लागि प्रभु क्यापिटल लिमिटेडले डिम्याट खाता खोल्न चाहानेहरुका लागि अनलाइनबाट आवेदन दिन सकिने व्यवस्था गरेको छ ।

नेपालमा आइपीओमा लगानी गर्न यतिबेला प्रक्रिया धेरै सजिलो भइसकेको छ । विशेषगरी कुनै एक व्यक्तिले आइपीओ भर्नका लागि चारवटा कुरा आवश्यक पर्छ । बैंक खाता, डिम्याट खाता, मेरो सेयर र सि–आस्वा सुविधा ।

कुनै पनि आस्वा सदस्य बैंकमा आफ्नो व्यक्तिगत खाता हुन जरुरी छ । अधिकांश वाणिज्य बैंकहरुले यो सुविधा दिइरहेको छन् । यदि प्रभु क्यापिटलमा डिम्याट खाता खोल्न चाहाने भने भने प्रभु बैंकमा खाता खोल्दा अझै सहज हुनेछ ।

त्यसपछि डिम्याट खाता खोल्न आवश्यक हुन्छ । डिम्याटले तपाइले किनेको सेयर इलेक्ट्रोनिक रुपमा राख्छ, त्यसकारण आवश्यक छ । यदि तपाई प्रभु क्यापिटलमार्फत डिम्याट खोल्न चाहानुहुन्छ भने तपाईले प्रत्यक्ष कम्पनीमै गएर भौतिक फर्म भरेर खाता खोल्न सक्नुहुन्छ भने दोस्रो अनलाइनमार्फत पनि यसको लागि सहजै आवेदन दिन सकिनेछ ।

डिम्याट खाता खोल्ने प्रक्रियाः

सर्वप्रथम प्रभु क्यापिटल लिमिटेडको आधिकारिक वेबसाइटमा जाने त्यसपछि दाया कर्नरमा रहेको माथिल्लो भागमा ‘ओपन डिम्याट अकाउन्ट’ भन्ने बारमा गई क्लिक गर्ने ।

उक्त रातो बार क्लिक गरेपछि तपाईले चारवटा अपसन देख्न सक्नुहुन्छ । जसमा साधारण डिम्याट खाता, ९९९ आजीवन डिम्याट खाता, रेमिट्यान्स डिम्याट खाता र अपाङ्गता भएका व्यक्तिहरुका लागि ल्याइएको डिम्याट योजना रहनेछन् ।

तपाई कुनचाँही डिम्याट खोल्न चाहानुहुन्छ त्यहि अप्सनमा गई आवेदन दिन सकिनेछ । साधारण डिम्याट खाता खोल्न चाहानेहरुले भने २०० रुपैयाँ शुल्क तिरेर आवेदन दिन सक्नेछन्, जसमा मेरो सेयर समेत समावेश रहेको हुन्छ ।

साधारण डिम्याटको लागि अप्लाई गर्दा सुरुमा इमेल र पासवर्ड राख्नुपर्ने हुन्छ । त्यसपछि आफ्नो पूर्ण विवरण फर्म खुल्नेछ र क्रमशः गर्दै भर्नुपर्ने हुन्छ । पहिलो चरणमा आफ्नो विवरण गर्दै क्रमशः ठेगाना, परिवार विवरण, अकुपेशन, बैंक खाता, हकवाला वा इच्छ्याइएको व्यक्ति, डकुमेन्ट अपलोड, टम्स एण्ड कन्डिसन र रिभ्यु हुँदै प्रक्रिया पुरा हुन्छ ।

सबै प्रक्रिया पुरा भइसकेपछि प्रभु क्यापिटल लिमिटेडले तपाइले राख्नु भएको इमेल ठेगानामा डिम्याट नम्बर र मेरो सेयरको आइडी र पासवर्ड पठाउनेछ । त्यसपछि तपाईले आफ्नो खाता रहेको बैंकमै गई सीआरएन नम्बर लिन सक्नुहुनेछ । यति प्रक्रिया पुरा गरिसकेपछि तपाईले सहजै कुनै पनि कम्पनीको आइपीओ भर्न सक्नुहुनेछ ।