दीपक भट्टसहित ३९ जनाविरुद्ध विशेष अदालतमा मुद्दा दायर

काठमाण्डौ । व्यवसायी दीपक भट्टसहित ३९ जनाविरुद्ध सम्पत्ति शुद्धीकरण (मनी लाउन्डरिङ) सम्बन्धी कसुरमा विशेष अदालतमा मुद्दा दायर गरिएको छ ।  

२२ अर्ब ३९ करोड रुपैयाँ बिगो कायम गर्दै विशेष सरकारी वकिल कार्यालयले बिहीबार विशेष अदालतमा आरोपपत्र दर्ता गरेको हो ।

सम्पत्ति शुद्धीकरण अनुसन्धान विभागले तयार पारेको अनुसन्धान प्रतिवेदनका आधारमा मुद्दा दायर गरिएको हो । विशेष सरकारी वकिल कार्यालयका अनुसार सरकारी वकिल कार्यालयबाट आरोपपत्र प्राप्त भइसकेको र अदालतमा दर्ता प्रक्रियामा रहेको छ ।

भट्ट तथा ३९ जनाविरुद्ध जिल्ला अदालतमा बीमा सम्बन्धी कसुर, धितोपत्र सम्बन्धी कसुर तथा बैंकिङ कसुरका छुट्टाछुट्टै अभियोगमा समेत कारबाही अघि बढाइएको छ ।

यस मुद्दामा दीपक भट्ट र शंकर समूहका साहिल अग्रवाललाई मुख्य प्रतिवादी बनाइएको छ ।