.gif)
_(1).gif)
.png)
काठमाण्डौ । सञ्चालनमा रहेका ४४ वटा म्युचुअल फण्डहरुमध्ये ‘एनआईबीएल स्टेबल फण्ड’ले सेयरबजारमा सर्वाधिक लगानी थपेको छ । फण्डले फागुन महिनाको तुलनामा चैतमा ८३.४२ प्रतिशतले लगानी थपेको हो ।
फण्डले चैतमा १७ करोड ९६ लाख रुपैयाँ सूचीकृत सेयरमा लगानी गरेको छ । यो लगानी अघिल्लो महिनाको तुलनामा झण्डै दोब्बरले बढी हो । फागुनमा उक्त फण्डले सेयरबजारमा ९ करोड ७९ लाख रुपैयाँ लगानी गरेको थियो ।
फागुनमा जम्मा १८ वटा कम्पनीको सेयरमा लगानी गरेको उक्त फण्डले चैत महिनामा ३० वटा कम्पनीको सेयरमा लगानी गरेको छ ।
फण्डले सर्वाधिक कुमारी सबल योजनाको इकाईमा कुल १ करोड ५० लाख रुपैयाँ लगानी गरेको छ । यसबाहेक सेयरमा कम्पनीले हिमालयन रि इन्स्योरेन्समा धेरै लगानी गरेको छ ।
फण्डले हिमालयन रि को सेयरमा मात्रै १ करोड ४९ लाख रुपैयाँ लगानी गरेको छ । यो लगानी फागुनको तुलनामा २०.९६ प्रतिशतले बढी हो । फागुनमा हिमालयन रि को सेयरमा १ करोड २३ लाख रुपैयाँ लगानी गरेको थियो ।
दोस्रोमा एभरेष्ट बैंकको सेयरमा १ करोड १३ लाख रुपैयाँ लगानी रहेको छ । यो लगानी पनि अघिल्लो महिनाको तुलनामा १० प्रतिशतले बढी हो । फागुनमा एभरेष्ट बैंकको सेयरमा १ करोड ३ लाख रुपैयाँ लगानी रहेको थियो ।
(1).gif)
फण्डले अघिल्लो महिनामा गरेको अधिकांश लगानी चैत महिनामा बढाएको छ । सर्वाधिक सानिमा बैंकको सेयरमा गरेको लगानी १५८.५२ प्रतिशतले बढाएको छ । फागुनमा सो बैंकको सेयरमा २५ लाख १७ हजार रुपैयाँ मात्रै रहेको लगानी चैत महिनामा बढेर ६५ लाख ७ हजार रुपैयाँ पुगेको छ ।
६ वटा बीमा कम्पनीको सेयरमा लगानी थप
फण्डले चैत महिनामा ६ वटा बीमा कम्पनीको सेयरमा लगानी थपेको छ । तीन जीवन बीमा र तीन निर्जीवन बीमा कम्पनीको सेयरमा मात्रै उक्त फण्डले २ करोड ८६ लाख रुपैयाँ लगानी थपेको छ ।
जीवन बीमातर्फ सिटिजन लाइफ, एशियन लाइफ र नेपाल लाइफ रहेको छ भने निर्जीवनतर्फ युनाइटेड अजोड, नेको इन्स्योरेन्स र सिद्धार्थ प्रिमियर इन्स्योरेन्स रहेको छ । निर्जीवनतर्फ सर्वाधिक युनाइटेड अजोडको सेयरमा ७४ लाख रुपैयाँ र जीवन बीमातर्फ सर्वाधिक सिटिजन लाइफको सेयरमा ६३ लाख रुपैयाँ लगानी गरेको छ ।
यसबाहेक फण्डले १२ वटा कम्पनीको सेयरमा लगानी थपेको छ । फण्डले नेपाल टेलिकम, कुमारी सबल योजनाको इकाई, नागरिक लगानी कोष, एनआरएन इन्फ्रास्ट्रक्चर, सर्वोत्तम सिमेन्ट्स, हिमालयन डिष्टिलरी, सोनापुर मिनरल्स, चन्द्रागिरी हिल्स, चिलिमे हाइड्रो, भिजन लुम्बिनी उर्जा, हिमालयन लघुवित्त र ज्योति विकास बैंकको सेयर थपेको छ ।
त्यस्तै, फागुनमा लगानी रहेको ङादी ग्रुप पावर, फरवार्ड माइक्रोफाइनान्स र पोखरा फाइनान्सको सेयर भने फण्डले हटाएको छ ।
.gif)
.png)
.png)
.jpg)
.gif)
.gif)
