.gif)
.jpg)
.png)
काठमाण्डौ । प्रधानमन्त्री वालेन्द्र शाहलाई उज्यालो प्रकाशबाट आँखाको सुरक्षाका लागि सनग्लास प्रयोग गर्न चिकित्सकले सुझाव दिएका छन्।
प्रधानमन्त्री शाहले छाउनीस्थित वीरेन्द्र सैनिक अस्पतालमा आँखाको परीक्षण गराएका थिए। उज्यालो प्रकाशमा हेर्न कठिनाइ भएको गुनासोपछि गरिएको परीक्षणका क्रममा चिकित्सकले आवश्यकता अनुसार सनग्लास प्रयोग गर्न सुझाव दिएका हुन्।
प्रधानमन्त्री शाहलाई आँखामा सुख्खापनलगायतको असहजता भएमा आवश्यकता अनुसार कार्बोक्सिमिथाइलसेल्युलोज ०।५ प्रतिशतको आई ड्रप प्रयोग गर्न सिफारिस गरिएको छ।
प्रधानमन्त्रीले गत २२ साउनमा स्वास्थ्य परीक्षण गराएका थिए। चिकित्सकको सिफारिससहित तयार गरिएको स्वास्थ्य परीक्षण प्रतिवेदन प्रधानमन्त्री तथा मन्त्रिपरिषद्को कार्यालयले २६ साउनमा संघीय संसद् सचिवालयमा पठाएको थियो। संसद् सचिवालयले पनि उक्त प्रतिवेदन प्राप्त भएको पुष्टि गरेको छ।
प्रधानमन्त्रीको स्वास्थ्य परीक्षणसम्बन्धी विवरण सार्वजनिक भएको समयमा प्रतिनिधिसभामा उनको प्रत्यक्ष प्रश्नोत्तर कार्यक्रमसमेत तय भएको छ। बुधबारको प्रतिनिधिसभा बैठकमा प्रधानमन्त्री शाहसँग सांसदहरूले प्रत्यक्ष प्रश्न गर्ने कार्यक्रम रहेको छ।
.png)
.jpg)
.jpeg)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।