.gif)
.gif)
.png)
काठमाण्डौ । पृथ्वी राजमार्गअन्तर्गत कृष्णभीर क्षेत्रमा सडक भास्सिएको तीन दिन बितिसक्दा पनि त्यसलाई कसरी सञ्चालनमा ल्याउने भन्ने विषयमा सरकार निष्कर्षमा पुग्न सकेको छैन।
सडक विभागले मंगलबार पत्रकार सम्मेलन गर्दै कृष्णभीरको अवरुद्ध सडक खुलाउने विकल्पबारे गहन छलफल भइरहेको भए पनि अहिलेसम्म ठोस निर्णय नभएको जनाएको छ।
सडक विभागका महानिर्देशक डा. विजय जैसीका अनुसार कृष्णभीरको भूगर्भीय अवस्था जटिल रहेकाले जियो–टेक्निकल टोलीको विस्तृत परामर्शपछि मात्र अगाडिको विकल्प तय गरिनेछ।
उनले त्रिशूली नदीपारिबाट नयाँ ट्र्याक खोल्ने वा हालको सडक संरचनालाई नै पुनः सञ्चालनमा ल्याउने भन्ने विषयमा प्राविधिक निष्कर्ष आवश्यक रहेको बताए।
(1).gif)
पृथ्वी राजमार्ग अवरुद्ध हुँदा काठमाडौंसहित मध्य तथा पश्चिम नेपालबीचको मुख्य सडक सम्पर्क प्रभावित भएको छ। हाल हेटौंडा जोड्ने वैकल्पिक राजमार्ग प्रयोग गरेर यातायात सञ्चालन गर्ने प्रयास भइरहेको छ।
कृष्णभीर क्षेत्र लामो समय अवरुद्ध भए यात्रु आवागमनसँगै मालवाहक सवारी, इन्धन तथा दैनिक उपभोग्य वस्तुको ढुवानीमा थप दबाब पर्न सक्ने देखिएको छ।
सडक विभागले भने जियो–टेक्निकल अध्ययनको निष्कर्ष आएपछि मात्रै सुरक्षित र दीर्घकालीन विकल्पबारे निर्णय गरिने जनाएको छ।
.png)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।