.gif)
.gif)
.jpg)
.png)
काठमाण्डौ। जापान सरकारले नेपालका बाढीपीडितका लागि ३० लाख अमेरिकी डलर अर्थात् करिब ४५ करोड ३२ लाख रुपैयाँ बराबरको आपत्कालीन अनुदान सहायता उपलब्ध गराउने निर्णय गरेको छ।
जापानको विदेश मन्त्रालयले मंगलबार जारी गरेको विज्ञप्तिअनुसार बाढीबाट प्रभावित नागरिकलाई राहत तथा मानवीय सहायता उपलब्ध गराउने उद्देश्यले उक्त रकम प्रदान गर्न लागिएको हो।
जापान सरकारले विश्व खाद्य कार्यक्रम (डब्लूएफपी), रेडक्रस तथा रेड क्रिसेन्ट सोसाइटीहरूको अन्तर्राष्ट्रिय महासंघ (आईएफआरसी) र अन्तर्राष्ट्रिय आप्रवासन संगठन (आईओएम) मार्फत सहायता उपलब्ध गराउने जनाएको छ।
(1).gif)
प्राप्त सहयोग खाद्य, स्वास्थ्य, खानेपानी, सरसफाइ तथा स्वच्छता लगायतका अत्यावश्यक मानवीय सहायता क्षेत्रमा परिचालन गरिने जापानको विदेश मन्त्रालयले जनाएको छ।
जापानले डब्लूएफपीमार्फत १० लाख अमेरिकी डलर बराबरको खाद्य सहायता उपलब्ध गराउनेछ। त्यस्तै, आईएफआरसीमार्फत १० लाख अमेरिकी डलर बराबरको स्वास्थ्य, खानेपानी, सरसफाइ तथा स्वच्छता सहायता प्रदान गरिनेछ।
त्यसैगरी, आईओएममार्फत १० लाख अमेरिकी डलर बराबरको गैर–खाद्य सामग्री उपलब्ध गराउने जापान सरकारले जनाएको छ।
.gif)
.png)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।