.gif)
.gif)
.jpg)
.png)
काठमाण्डौ । प्रधानमन्त्री बालेन्द्र (बालेन) शाह आगामी नोभेम्बरमा भारत भ्रमणमा जाने तयारी भइरहेको भारतीय सञ्चारमाध्यमले जनाएका छन्।
भारतीय समाचार च्यानल ‘आजतक’को अनलाइन संस्करणका अनुसार प्रधानमन्त्री शाहको भारत भ्रमण नोभेम्बर २३ देखि २५ बीच गर्ने गरी तयारी भइरहेको छ। यद्यपि भ्रमणको मिति भने औपचारिक रूपमा टुंगो लाग्न बाँकी रहेको समाचारमा उल्लेख छ।
प्रधानमन्त्री शाहको पहिलो विदेश भ्रमण अमेरिका भए पनि भारत भ्रमण भने उनको पहिलो औपचारिक द्विपक्षीय विदेश भ्रमण हुने भारतीय सञ्चारमाध्यमले जनाएको छ। शाह हाल संयुक्त राष्ट्रसंघको महासभामा सहभागी हुन अमेरिका भ्रमणमा छन्।
(1).gif)
अमेरिका भ्रमणपछि हुने भनिएको भारत भ्रमणका क्रममा नेपाल–भारतबीच कनेक्टिभिटी, ऊर्जा, व्यापार, पूर्वाधार तथा बाढीपछिको पुनर्निर्माण लगायतका विषयमा छलफल हुने सम्भावना रहेको जनाइएको छ।
भ्रमणका क्रममा रक्सौल–काठमाडौं ब्रोडगेज रेल लिंक तथा जनकपुर–अयोध्या यात्री रेल सेवा सञ्चालन लगायतका विषय अघि बढाउनेबारे छलफल हुन सक्ने समाचारमा उल्लेख छ।
त्यस्तै, दुई देशबीच ऊर्जा तथा पूर्वाधार सहकार्य विस्तारका विषयसमेत भ्रमणका क्रममा उठ्न सक्ने जनाइएको छ। ‘आजतक’ले भ्रमणको तयारी अघि बढिरहेको जनाए पनि मिति औपचारिक रूपमा निश्चित भइनसकेको स्पष्ट पारेको छ।
.png)
.gif)
.jpg)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।