.gif)
.gif)
.png)
काठमाण्डौ । साताको दोस्रोे कारोबार दिन आज नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक १.२३ प्रतिशत अर्थात २४.३९ अंकले बढेर १ हजार ९९८.८९ विन्दुमा पुगेको छ । यससँगै नेप्से लगातार तीन दिन बढेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.६६ प्रतिशतले बढेर ३५६.६५ विन्दुमा पुगेको छ । यो दिन नेप्सेमा सूचीकृत मध्ये ३२० वटा कम्पनीको ९५ लाख ४१ हजार १७ कित्ता सेयर ३ अर्ब ४० करोड ८६ लाख रुपैयाँभन्दा बढीको कारोबार भएको छ ।
आजको बजारबारे बजार जानकार अजय सिंह थापा(जयशम्भु) भन्छन्, ‘बैंकहरुको ब्याजदर घटेर प्रकाशन हुनु, जेठ १ गतेदेखि ब्रोकर कमिशन घट्नु र बजेट र मौद्रिक नीतिको समीक्षा आउँदै गर्दा आज बजार बढ्न पुगेको हो ।’
बजारको दिगो सुधारका लागि केहि खुकुलो समीक्षा आउनुपर्ने थापाले बताए । ‘आजको बजारमा बैंकिङ सेक्टरमा भोल्युिमसहित बजार सर्पोट जोनबाट फर्केको छ । यसकारण हालको लागि बजारको बटम यहि भएको र बजार २२ सयसम्म पुग्न सक्छ ।’ उनले भने ।
अर्का बजार जानकार सुमन कुमार रिजालले पनि बजार सर्पोट जोनबाटै माथि लागेको र राम्रो भोल्युमसहित बढोत्तरी आएकाले बजारले माथिको यात्रा तय गर्ने बताए । यद्यपी बजार २०४० भन्दा माथि गएपछि मात्रै बजार बुलिस यात्रामा गएको भन्न मिल्ने रिजालले भने ।
लगानीकर्ताका लागि भने अहिले खरिद गर्ने उपयुक्त समय भएको रिजालले दाबी गरे ।
यो दिन नेप्सेमा सूचीकृत १३ वटा समूहमध्ये ८ वटा समूहमा हरियाली छायो भने अन्य ५ वटा समूहमा भने रातो पोतियो । आज बैंकिङ समूहमा सबैभन्दा धेरै वृद्धि देखियो । आज बैंकिङ समूह ३.२१ प्रतिशतले बढ्यो ।
(1).gif)
त्यस्तै आज विकास बैंक समूह ०.३० प्रतिशत,हाईडो ०.५७,लगानी २.०४,जीवन बीमा ०.५१ ,लघुवित्त ०.७१,म्युचुअल फण्ड ०.२४ र अन्य समूह ०.८८ प्रतिशतले बढ्यो ।
आज वित्त समूह ०.१९ प्रतिशत होटल ०.४४, उत्पादन तथा प्रशोधन ०.१० र निर्जीवन बीमा समूह ०.०३ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल पुनर्बीमा कम्पनीको संस्थापक सेयरको सर्वाधिक अर्थात ३० करोड ८० लाख रुपैयाँबराबरको कारोबार भयो । आज सिईडिबि हाईड्रोको २८ करोड २३ लाख,कर्णाली डेभलपमेन्ट बैंकको ९ करोड ३२ लाख र पोखरा फाइनान्सको ६ करोड ८५ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज ६ वटा कम्पनीको सेयरमूल्यमा सकारात्मक सर्किट लाग्यो । आज नारायणी डेभलपमन्ट बैंक,समाज लघुवित्त,मान्डु हाईड्रो, श्रृजनशिल लघुवित्त,हिमालयन उर्जा र गुराँस लघुवित्तको सेयरमूल्यमा सकारात्मक सर्किट लाग्यो ।
आज सिवाईसी नेपाल लघुवित्तको सेयरमूल्य सर्वाधिक अर्थात ५.६५ प्रतिशतले घट्यो । यो दिन आरम्भ चौतारी लघुवित्तको सेयरमूल्य ३.३५ र रिभर फल्सको सेयरमूल्य २.५४ प्रतिशतले ओरालो लाग्यो ।
.png)
.jpg)
(1)(1).jpg)
.gif)
(1).gif)
.gif)
