होन्डा कार किन्दा १० लाख रुपैयाँसम्म छुट, पाँच वर्ष निःशुल्क सर्भिसिङ

काठमाण्डौ । नेपालका लागि होन्डा कारको आधिकारिक वितरक स्याकार ट्रेडिङ कम्पनीले दशैं, तिहार र छठलाई लक्षित गर्दै ‘फेस्टिभ अफर होन्डाको सफर’ योजना सार्वजनिक गरेको छ। कम्पनीका अनुसार योजनाअन्तर्गत नयाँ होन्डा कार खरिद गर्दा १० लाख रुपैयाँसम्म नगद छुट पाइनेछ।

कम्पनीले कार खरिदमा एक आर्थिक वर्षको सडक कर र एक आर्थिक वर्षको पूर्ण बीमा निःशुल्क उपलब्ध गराउने जनाएको छ। त्यसैगरी पाँच वर्षसम्म निःशुल्क सर्भिसिङ र एक वर्षसम्म निःशुल्क सडक सहायता दिने घोषणा गरेको छ।

पुरानो गाडी साटेर नयाँ होन्डा कार किन्न चाहने ग्राहकका लागि तत्काल एक्सचेन्ज सुविधा र एक्सचेन्ज बोनस पनि योजनामा समावेश छन्। स्याकार हायर पर्चेज र एनआईसी एशिया बैंकसँगको सहकार्यमा सहुलियत ब्याजदरमा फाइनान्सिङ उपलब्ध गराउने कम्पनीको भनाइ छ।

यो योजना सेप्टेम्बर २५ देखि नोभेम्बर १६, २०२६ सम्म देशभरका होन्डा कार शोरुममा लागू हुने विज्ञप्तिमा उल्लेख छ। कम्पनीले सीआर–भी, एलिभेट, सिटी र सिटी ईःएचईभी मोडललाई योजनामा समेटेको छ।

विज्ञप्तिमा अधिकतम छुट कुन मोडलमा पाइन्छ, एक्सचेन्ज बोनस कति छ र फाइनान्सिङको ब्याजदर कति हुनेछ भन्ने छुट्टाछुट्टै खुलाइएको छैन। कम्पनीले अफरमा नियम तथा सर्त लागू हुने जनाएको छ। ग्राहकले आफ्नो रोजाइको मोडलमा लागू हुने छुट र सुविधा नजिकको शोरुमबाट बुझ्न सक्नेछन्।