नागढुंगा सुरुङमार्गमा आजदेखि शुल्क, कसको कति ?

काठमाडौं । नागढुंगा–सिस्नेखोला सुरुङमार्ग प्रयोग गर्ने सवारीसाधनले आजदेखि शुल्क तिर्नुपर्ने भएको छ। नागढुंगा सुरुङमार्ग निर्माण आयोजनाले सवारीसाधनको वर्ग र आवतजावतको दिशाअनुसार शुल्क निर्धारण गरेको हो।

निर्धारित दरअनुसार कार, भ्यान, पिकअप, ट्र्याक्टर तथा माइक्रोबसले काठमाडौं प्रवेश गर्दा ६५ र बाहिरिँदा ६० रुपैयाँ तिर्नुपर्नेछ।

त्यस्तै, मिनिबस तथा मिनिटिपररट्रकका लागि प्रवेशमा ११५ र बाहिरिँदा ८० रुपैयाँ तोकिएको छ। बस तथा सिंगल रियर एक्सल ट्रकले क्रमशः २६० र २०० रुपैयाँ तिर्नुपर्नेछ।

मल्टी एक्सल ट्रक, अन्य सवारीसाधन तथा भारी उपकरणका लागि काठमाडौं प्रवेश गर्दा ६०० र बाहिरिँदा २५० रुपैयाँ शुल्क निर्धारण गरिएको आयोजनाले जनाएको छ।

नेपाल राजपत्रमा २०८२ चैत २६ गते प्रकाशित सूचनाका आधारमा शुल्क लागू गर्न लागिएको हो।