.gif)
_(1).gif)
.png)
काठमाण्डौ । आँखुखोला जलविद्युत कम्पनीको मुनाफामा गिरावट आएको छ । कम्पनीले सार्वजनिक गरेको चालु आर्थिक वर्ष २०८०/८१ को दोस्रो त्रैमाससम्म अपरिष्कृत वित्तीय विवरण अनुसार कम्पनीको खुद मुनाफा लगायतका अन्य प्रमुख सूचकहरुमा गिरावट आएको देखिएको हो ।
.gif)
समीक्षा अवधिसम्म कम्पनीले १ करोड ५२ लाख ३५ हजार रुपैयाँ खुद मुनाफा आर्जन गरेको छ । जुन अघिल्लो आवको सोहि अवधिको तुलनामा ४२.८५ प्रतिशतले कम हो । अघिल्लो
आवको सोहि अवधिमा कम्पनीको खुद मुनाफा २ करोड ६६ लाख ५८ हजार रुपैयाँ थियो ।
नेपाल विद्युत प्राधिकरणले चालु आवको प्रथम त्रैमासमा विदुत उत्पादनमा कटौति गर्न निर्देशन दिएकाले यसको प्रभाव कम्पनीको मुनाफामा परेको कम्पनीले जनाएको छ । क्षतिपूर्ती दाबी अहिले सार्वजनिक भएको विवरणमा समावेश नगरिएको र यसका लागि विद्युत प्राधिकरणमा प्रक्रियामा रहेको कम्पनीले जनाएको छ । क्षतिपूर्ती दाबी प्राप्त भएपछि त्यसलाई अर्को त्रैमासिक प्रतिवेदनमा समायोजन गरिने कम्पनीले जनाएको छ ।
कम्पनीको विद्युत उत्पादन तथा वितरण खर्च भने ९ लाख ४९ हजारले घटेको छ । समीक्षा अवधिसम्म कम्पनीको प्रशासनिक तथा अन्य सञ्चान खर्च बढेको छ । कम्पनीको खर्च ६७ लाख ८८ हजार रुपैयाा रहेको छ । जुन अघिल्लो आवको तुलनामा ३३.०५ प्रतिशतले कम हो ।
यस्तै कम्पनीको विद्युत् बिक्रीबाट हुने आम्दानीमा समेत गिरावट आएको छ । कम्पनीको विद्युत् बिक्रीबाट हुने आम्दानीमा १२.०४ प्रतिशतको गिरावट आएको छ । यस अवधिसम्म कम्पनीले विद्युत बिक्रीबाट १० करोड ७६ लाख १ हजार रुपैयाँमा आर्जन गरेको छ ।
समीक्षा अवधिसम्म कम्पनीको सञ्चालन मुनाफामा समेत कमी आएको छ । यस अवधिसम्म कम्पनीको सञ्चालन मुनाफा ७ करोड २४ लाख ५७ हजार रुपैयाँ रहेको छ । अघिल्लो आवको सोसह अवधिसम्म यस्तो मुनाफा ७ करोड ९७ लाख रुपैयाँ थियो । यसरी कम्पनीको सञ्चालन म सनाफामा ९.११ प्रतिशतको गिरावट आएको छ ।
कम्पनीको प्रतिसेयर आम्दानी ३.८१ रुपैयाँ,प्रतिसेयर सम्पत्ति ७१ रुपैयाँ र मूल्य आम्दानी अनुपात ५६ गुणा रहेको छ ।
.png)
.jpg)
.jpg)
(1).jpg)
.gif)
.gif)
.gif)
