(1).gif)
(2).gif)
.jpg)
_(1).gif)
.png)
काठमाण्डौ । धितोपत्र बोर्डको अध्यक्ष छनौटका लागि अर्थमन्त्रालयले कार्ययोजना प्रस्तुत गर्न बोलाएका ५ जनामध्ये २ जना मात्रै अन्तवार्ताका लागि गएका छन् ।
आज बोलाइएको कार्ययोजना तथा अन्तवार्ताका लागि सन्तोषनारायण श्रेष्ठ र बोर्डका कार्यकारी निर्देशक मुक्तिनाथ श्रेष्ठ मात्रै अन्तवार्ताका लागि गएका हुन् । श्रोतका अनुसार सर्टलिस्टमा परेका अन्य ३ जनाले छनौट प्रक्रिया बहिष्कार गरेका छन् ।
अन्तवार्ताका लागि नजानेमा डा.नवराज अधिकारी,कृष्णबहादुर कार्की र चिरञ्जिवी चापागाई रहेका छन् । यस विषयमा ३ जनासँग बुझ्न खोज्दा ३ नै जनालाई सम्पर्क हुन सकेन । तीनै जनाको मोबाइल स्विच अफ अवस्थामा छ ।
सिफारिस समितिले आवेदन दिएका १९ जनामध्ये ५ जनाको नाम गत चैत २५ गते सर्टलिस्ट गरेको थियो। सर्टलिस्टमा पर्नेहरुमा धितोपत्र बोर्डका कार्यकारी निर्देशकद्वय डा. नवराज अधिकारी र मुक्तिनाथ श्रेष्ठ, नेपाल स्टक एक्सचेञ्ज(नेप्से)का सीईओ कृष्णबहादुर कार्की, तत्कालीन बीमा समितिका अध्यक्ष चिरञ्जीवी चापागाईं र सन्तोषनारायण श्रेष्ठ छन्।
.gif)
कार्ययोजना प्रस्तुतिकरण र अन्तर्वार्तापछि सिफारिस समितिले ३ जनाको नाम मन्त्रीपरिषदलाई पठाउने र ती तीनमध्येबाट एकजनालाई सरकारले धितोपत्र बोर्डको अध्यक्ष नियुक्ति गर्ने व्यवस्था रहेको छ ।
तर अब ३ जना अन्तवार्ताका लागि अनुपस्थित भएपछि अब अगाडिको प्रक्रिया के हुन्छ भन्ने अन्यौलता छाएको छ । अन्तवार्ताका लागि उपस्थित भएकाहरु एक समूहका हुन भने अनुपस्थित भएकाहरु अन्य समूहका हुन् । दुवै समूहले आ–आफ्ना नजिकका व्यक्तिलाई बोर्डको अध्यक्ष बनाउन तीव्र कसरत गरेपछि अहिलेको अवस्था सिर्जना भएको श्रोतले दाबी गरेको छ ।
.png)
(1)(2).jpg)
(1).png)
(3).jpg)
.jpg)
(1).gif)
.gif)
