.gif)
_(1).gif)
.jpg)
.png)
काठमाण्डौ । विद्याधर मल्लिकको अध्यक्षतामा गठित कर प्रणाली सुधार सम्बन्धी उच्चस्तरीय सुझाव समितिले सेयर आम्दानीमा आयकर ऐनअनुसार कर लगाउन सिफारिस गरेको छ । उच्चस्तरीय सुझाव समितिले आइतबार प्रतिवेदन सार्वजनिक गरेको थियो । उक्त प्रतिवेदनले व्यवसायिक रुपमा सेयर कारोबार गर्ने व्यक्तिको आम्दानी गणना गरी व्यक्तिगत आयकर ऐनअनुरुप नै कर लगाउन सिफारिस गरेको छ ।
जसको अर्थ सेयर कारोबारबाट गरेको नाफालाई पनि वार्षिक आम्दानीको रुपमा गणना गरी अन्य व्यवसायसरह आयकरको व्यवस्था गर्नुपर्ने हुन्छ । पेश गरिएको सुझाव अनुसार सेयर लगानीकर्ताले हालको दरअनुसार ३९ प्रतिशतसम्म कर तिर्नुपर्ने हुन्छ ।
वर्तमानको आयकरको व्यवस्थाअनुसार वार्षिक ५० लाखभन्दा बढी आम्दानी गर्दा ३९ प्रतिशत करको व्यवस्था रहेको छ । यसरी अब सेयर लगानीकर्ताले पनि सेयर कारोबारबाट वार्षिक ५० लाख रुपैयाँभन्दा बढी आर्जन गर्दा अन्य व्यवसायसरह ३९ प्रतिशत कर तिर्नुपर्ने हुनसक्छ ।
(1).gif)
यसका साथै समितिले हाल तिर्दै आएको पूँजीगत लाभकर समेत बढाउन सुझाव पेश गरेको छ । समितिले १ वर्षभन्दा कम अवधिसम्म सेयर होल्ड गर्नेलाई १० प्रतिशत पूँजीगत लाभकर र १ वर्षभन्दा बढी अवधिसम्म सेयर होल्ड गर्नेलाई ७.५ प्रतिशत पूँजीगत लाभकरको व्यवस्था गर्न सुझाव दिएको छ ।
हाल भने १ वर्षभन्दा कम अवधिसम्म सेयर होल्ड गर्नेलाई ७.५ प्रतिशत पूँजीगत लाभकर र १ वर्षभन्दा बढी अवधिसम्म सेयर होल्ड गर्नेलाई ५ प्रतिशत पूँजीगत लाभकरको व्यवस्था रहेको छ ।
.gif)
.png)
(89).jpg)
(101).jpg)
(107).jpg)
.png)
.gif)
.gif)
