(1).gif)
(4).gif)
.gif)
(1).jpg)
.png)
काठमाण्डौ । साताको चौथो कारोबार दिन आज नेपाल स्टक एक्सचेञ्च(नेप्से) मा झिनो अंकको सुधार आएको छ । आज नेप्से परिसूचक ०.१० प्रतिशत अर्थात २.२७ अंकले बढेर २०७८.७६ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.१४ प्रतिशतले बढेर ३६७.७५ विन्दुमा पुगेको छ । यो दिन नेप्सेमा सूचीकृत मध्ये ३०८ वटा कम्पनीको ७२ लाख ९ हजार ७५७ कित्ता सेयर ३ अर्ब ४० करोड ४३ लाख रुपैयाँभन्दा बढीको कारोबार भएको छ ।
आजको बजारबारे अर्थशास्त्री सूर्यनारायण पौडेल भन्छन्, ‘बजार माथिल्लो स्तरमा नै साइडवेजमा चलेको छ । बजारमा करको विषय जस्तो नकारात्मक समाचार आउँदा लगानीकर्ताको मनोबल गिरेको छ । धितोपत्र बोर्डको अध्यक्षको नियुक्तीमा भईरहेको ढिलासुस्तीले पनि बजार प्रभावित भएको देखिन्छ ।’
पौडेलले आफ्नो १५÷२० वर्षे अनुभवमा बजार र ब्याजदर एकैपटक घटेको अनौठो घटना देखिरहेको बताए ।
सेयर लगानीकर्ता संघ नेपालका कार्यवाहक अध्यक्ष तारा फुल्लेल भन्छन्,‘धितोपत्र बोर्डको अध्यक्ष नियुक्त हुन नसक्नु र राष्ट्र बैंकको. नीतिमा फेरबदल हुन नसक्नु जस्ता विषयले लगानीकर्ताको मनोबल खस्कदा सेयर बजार माथि जान सकिरहेको छैन ।’ उनले यसलाई सरकारको नालायकीपनको संज्ञा दिए ।
.gif)
यो दिन नेप्सेमा सूचीकृत १३ वटा समूहमध्ये ६ वटा समूहमा मात्रै हरियाली छायो । आज वित्त समूहमा चमक देखियो । यो समूह सबैभन्दा धेरै अर्थात २.६२ प्रतिशतले बढ्यो । साथै, बैंकिङ समूह ०.१४ प्रतिशत,हाईड्रो ०.३२,लघुवित्त ०.१४,निर्जीवन बीमा ०.१७ र अन्य समूह ०.१६ प्रतिशतले बढ्यो ।
यो दिन व्यापार समूहमा सर्वाधिक गिरावट आयो । व्यापार समूह आज १.३२ प्रतिशतले घट्यो । आज विकास बैंक समूह ०.१२ प्रतिशत,होटल ०.३६,लगानी ०.१८,जीवन बीमा ०.१३,उत्पादन तथा प्रशोधन ०.४३ र म्युचुअल फण्ड समूह ०.०७ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल फाइनान्स कम्पनीको सर्वाधिक सेयर कारोबार भयो । आज यो कम्पनीको २० करोड ३३ लाख बढीको सेयर कारोबार भयो ।
यस्तै आज गोर्खाज फाइनान्सको ९ करोड ५४ लाख,ग्लोबल आइएमई लघुवित्तको ७ करोड ८५ लाख,सिईडिबि हाईड्रोको ७ करोड ६१ लाख र हिमालयन लघुवित्तको ७ करोड १७ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेपाल फाइनान्स र समाज लघुवित्तको सेयरमूल्यमा सकारात्मक सर्किट लाग्यो । यी कम्पनीहरुको सेयरमूल्य १० प्रतिशतको हाराहारीमा बढ्यो । आज मन्दाकिनी हाईड्रोको सेयरमूल्य ८.२८ प्रतिशत,सामलिङ पावरको ८.०८ र आत्मनिर्भर लघुवित्तको सेयरमूल्य ७.३४ प्रतिशतले बढ्यो ।
आज मनकामना स्मार्ट लघुवित्तको सेयरमूल्य सर्वाधिक अर्थात ९.८८ प्रतिशतले घट्यो ।
(1).gif)
(1).gif)
(2).gif)
.png)
.gif)
.jpg)
.jpg)
.jpg)
.png)
(1).gif)
