.gif)
(1).gif)
.png)
काठमाण्डौ । भारतको बढ्दो अर्थतन्त्रप्रति अन्तराष्ट्रिय बीमा कम्पनीहरु आकर्षित हुन थालेका छन् । निकट भविष्यमा विश्वको तेस्रो ठूलो अर्थतन्त्र बन्ने अधिक सम्भावना,सबैभन्दा ठूलो काम गर्ने उमेरको जनसंख्या,उदाउँदो अर्थतन्त्रमध्ये सबैभन्दा धेरै मध्यम वर्ग भएको देश र बीमाको बढ्दो बजारका कारण भारत अन्तराष्ट्रिय बीमा कम्पनीहरुको नजरमा पर्न थालेको हो ।
यस्तोमा स्विट्जरल्याण्डको अग्रेणी बीमा कम्पनीले ज्यूरिख रिले भारतमा ४० प्रतिशत कर्मचारी वृद्धि गर्ने योजना सार्वजनिक गरेको छ । भारतको कोटाक महिन्द्रा बैंकको जनरल इन्स्योरेन्स युनिटलाई समाहित गरेको कम्पनीले आगामी ३ वर्षभित्र ६ सय कर्मचारी थप्ने योजना बनाएको हो ।
‘ज्यूरिख रि भारतजस्तो महत्वपूर्ण र आकर्षक बजारमा व्यवसाय विस्तार गर्न आतुर छ’, कम्पनीको एशिया प्यासेफिकका सीईओ तुलसी नाइडुले भनिन् । भारतमा व्यवसायिक,साना तथा मझौला व्यवसाय,एस्स्योरेन्स,अटो र जनरल इन्स्योरेन्स क्षेत्रमा वृद्धिको सम्भावना रहेको उनले बताइन् । नाइडु भन्छिन्,‘भारतको जनरल इन्स्योरेन्स क्षेत्रमा प्रवेश गर्नेदर बाँकी विश्वको तुलनामा एक चौथाई रहेको छ । हामीले यहाँ डिजिटल प्रविधिको विकाससँगै बीमाको सहज पहुँच देखेका छौं ।’
.gif)
ज्यूरिख रिले ६६६ मिलियन डलरमा कोटक जनरल इन्स्योरेन्स कम्पनीको ७० प्रतिशत स्वामित्व खरिद गरेको छ । अन्तराष्ट्रिय बीमकहरुका लागि सन् २०२१ मा निर्धारण गरिएको लगानीको सीमा हटाइएपछि गत साता ज्यूरिख रि भारत प्रवेश गर्ने पहिलो विदेशी बीमा कम्पनी बनेको थियो ।
अहिले भारतमा कम्पनीका १५ सय कर्मचारी कार्यरत छन् । कम्पनीले आगामी दिनमा डिजिटल विकास,व्यवसायिक बीमा अन्डरराईटिङ तथा वितरण र प्रडक्ट विकास जस्ता क्षेत्रमा कर्मचारी थप गर्ने योजना बनाएको छ । ज्यूरिख रि एशिया प्यासेफिक क्षेत्रका ८ वटा बजारमा सक्रिय रहेको छ । सन् २०२३ मा कम्पनीले यो क्षेत्रबाट ३.६ बिलियन डलरबारबरको जनरल इन्स्योरेन्स व्यवसाय र २.९ बिलियन डलरबराबरको जीवन बीमा प्रिमियम संकलन गरेको थियो । एशिया प्यासेफिक क्षेत्रमा कम्पनीको सञ्चालन मुनाफा ५६५ मिलियन डलर रहेको छ । –एजेन्सी
.gif)
.png)
(1).png)
(1).jpg)
(1)(1)(1).jpg)
(2).jpg)
.gif)
.gif)
.gif)
