.gif)
(2).gif)
_(1).gif)
.png)
काठमाण्डौं । वैज्ञानिक अल्बर्ट आइन्स्टाइनले अमेरिकालाई विश्वको पहिलो आणविक बम(एटम बम)बनाउन प्रोत्साहन गर्दै लेखेको पत्र लिलामी हुने भएको छ । आइन्स्टाइनले तत्कालिन अमेरिकी राष्ट्रपति फ्रयांकलिन डी रुवबेल्टलाई सन् १९३९ मा जर्मनका नाजीले यस्तो हतियार बनाउन सक्ने चेतावनी दिदै अमेरिकाले आफ्नो आणविक कार्यक्रम सुरु गर्नुपर्ने भन्दै पत्र लेखेका थिए ।
आइन्स्टाइनले पत्र लेखेको ३ वर्षपछि अमेरिकाले म्यानहाटन प्रोजेक्ट सुरु गरेको थियो । जसअन्तर्गत निर्माण भएको पहिलो आणविक हतियारले सन् १९४५ मा जापानमाथि आक्रमण गरिएको थियो ।
यो पत्र सन् २०१८ मा ६५ वर्षको उमेरमा निधन भएका माइक्रोसफ्टका सह–संस्थापक पउल एलेनको स्वामित्वका संग्रहित वस्तुहरुको रुपमा बिक्री गर्न लागिएको हो । उनीसँग जोडिएका व्यक्तिगत वस्तुहरु न्यूयोर्कमा आगामी सेप्टेम्बर महिनामा बिक्री गरिनेछ । तर मुख्य आकर्षणको केन्द्र भने आइन्स्टाइनले लेखेको पत्र हुनेछ ।
जसको अनुमानित मूल्य ४ देखि ६ मिलियन डलर हुने जनाइएको छ । यो पत्र वास्तवमा हंगेरीका भौतिकशास्त्री लियो सिजीलार्डले अन्य वैज्ञानिकको सहयोगमा लेखेका थिए । तर यसमा हस्ताक्षर भने आइन्स्टाइनले गरेको थिए । आइन्स्टाइन सर्वकालिन महान वैज्ञानिक भएकाले उनको हस्ताक्षरले राष्ट्रपतिको ध्यान तान्न सक्ने भएकाले यसो गरिएको थियो । -एजेन्सी
.gif)
.png)
.jpg)
(1).gif)
