.gif)
_(1).gif)
.png)
काठमाण्डौ । नेपाल आउने पर्यटकको संख्यामा कमी आएको छ । जुन महिनामा नेपालमा ७६ हजार ७३६ पर्यटक नेपाल भित्रिएका छन् । यो संख्या गत मे महिनाको तुलनामा १३ हजार ४७५ ले कम हो । नेपालमा वर्षाको मौसम सुरु भएसँगै पर्यटक आवागमनमा कमी आएको हो । गत मे महिनामा नेपालमा ९० हजार २११ पर्यटक आएका थिए ।
जुन महिनामा नेपाल भित्रिएका पर्यटकको संख्या यो वर्षकै सबैभन्दा कम हो । गत मार्च महिनामा यो वर्षकै सबैभन्दा धेरै पर्यटक नेपाल आएका थिए । मार्चमा १ लाख २८ हजार १६७ पर्यटक नेपाल आएको तथ्यांक छ ।
(1).gif)
जुन महिनामा भारतबाट सबैभन्दा धेरै पर्यटक नेपाल आएका छन् । यो महिना ३७ हजार ८३५ पर्यटक नेपाल भित्रिएका छन् । मे महिनामा भारतबाट ३८ हजार २८८ पर्यटक नेपाल आएका थिए ।
यस्तै चीनबाट ७ हजार ४९४ पर्यटक नेपाल भ्रमणमा आएका छन् । मे महिनामा ८ हजार ३८१ चिनियाँ पर्यटक नेपाल आएका थिए । जुन महिनामा अमेरिकाबाट ८ हजार २८१ पर्यटक नेपाल आएका छन् । मे महिनामा भने अमेरिकाबाट ८ हजार ५ सय २७ नेपाल आएका थिए ।
त्यस्तै, बेलायतबाट १ हजार ९६९, बंगलादेशबाट ३ हजार ८ सय ५७ पर्यटक नेपाल आएका छन् । यो वर्षको जनवरी महिनामा ७९ हजार १ सय,फेब्रुअरीमा ९७ हजार ४२६,मार्च महिनामा १ लाख २८ हजार १६७ र अप्रिल महिनामा १ लाख ११ हजार ३७६ जना पर्यटक नेपाल आएका थिए ।
.gif)
.png)
.jpg)
.jpg)
.gif)
.gif)
