.gif)
_(1).gif)
.png)
काठमाण्डौ । पाकिस्तानको संघीय सरकारले राष्ट्रिय ध्वजावाहक पाकिस्तान इन्टरनेशनल एयरलाइन्स (पीआईए) लाई निजीकरण गर्ने भएको छ । संघीय सरकारले निजीकरण प्रक्रिया अन्तर्गत राष्ट्रिय ध्वजावाहक पाकिस्तान इन्टरनेशनल एयरलाइन्स (पीआईए) को सम्पत्ति र दायित्वको विभाजनको लागि एक रूपरेखा तयार गरेको छ।
पीआईएको सम्पत्ति र दायित्वहरू पीआईए र होल्डिङ कम्पनीबीच बाँडफाँड गरिएको छ।
पाकिस्तानको सरकारले पीआईएको कुल सम्पत्ति १७१.४३ बिलियन पाकिस्तानी रुपैयाँ रहेको खुलासा गरेको छ । निजीकरण प्रक्रिया पूरा भएपछि, पीआईएको सम्पत्ति र दायित्व होल्डिङ कम्पनी र एयरलाइन्स लिने नयाँ कम्पनीबीच बाँडफाँड गरिनेछ।
रिपोर्टमा पीआईएको १७१.४३ बिलियन पाकिस्तानी रुपैयाँबराबरको सम्पत्तिमध्ये १४६.५७ बिलियन रुपैयाँबरारबको सम्पत्ति पीआईएको नयाँ व्यवस्थापनमा हस्तान्तरण हुने र २४.८६ बिलियन पाकिस्तानी रुपैयाँबराबरको सम्पत्ति होल्डिङ कम्पनीमा रहने उल्लेख छ ।
राष्ट्रिय एयरलाइन्सको रु ८३० बिलियन(पाकिीतानी रुपैयाँ) घाटा मध्ये २०२ बिलियन पीआइले र रु ६२८ बिलियन होल्डिङ कम्पनीले व्यहोर्ने छ । फलस्वरूप नयाँ कम्पनीले रु ५५.७० बिलियन घाटासहित पीआइए सञ्चालनमा ल्याउनेछ ।
दस्तावेजका अनुसार सरकारले निजीकरण प्रक्रियाअन्तर्गत पीआईए सञ्चालनलाई कोर र गैर कोर खण्डमा विभाजन गर्नेछ। पीआईएको सबै सम्पत्ति र दायित्वहरू यी दुई खण्डहरूबीच विभाजित गरिनेछ।पीआइएको निजीकरणका कारण कुल ६२८ बिलियन पाकिस्तानी रुपैयाँ घाटा र दायित्व पीआईए होल्डिङ कम्पनीमा हस्तान्तरण भएको दस्तावेजमा उल्लेख छ ।
पीआईए इन्भेष्टमेन्ट, स्काइरुम प्राइभेट लिमिटेड, मिडवे हाउस प्राइभेट लिमिटेड, र पीटीडीसी ड्युटी–फ्री शप लिमिटेड, रुजवेल्ट लगायतका होटलहरूमा भएको दीर्घकालीन लगानी पीआइए होल्डिङ कम्पनीमा हस्तान्तरण गरिनेछ।
स्वदेशी तथा अन्तर्राष्ट्रिय संस्थाबाट लिएको ऋण र तिनीहरुको ४४४ बिलियन रुपैयाँको ब्याज पनि होल्डिङ कम्पनीलाई हस्तान्तरण गरिनेछ ।रिपोर्टका अनुसार पीआईएसँग सरकारसँग १६१ बिलियन पाकिीतानी रुपैयाँ र वाणिज्य बैंकहरूको २६७ बिलियन पाकिस्तानी रुपैयाँ बाँकी रहेको होल्डिङ कम्पनीलाई हस्तान्तरण गरिने छ ।
.gif)
.png)
.png)
.png)
.jpg)
.gif)
.gif)
.gif)
