.gif)
.gif)
.png)
काठमाण्डौ । लण्डनस्थित नेपाली राजदूतावासले बेलायत बस्ने र घुम्न चाहनेहरुका लागि आपतकालीन ट्राभल एड्भाइजरी जारी गरेको छ।
एक सूचना जारी गर्दै दूतावासले केही सम्वेदनशील ठाउँहरुमा नजान तथा भ्रमणको तालिका बनेको भए रद्द गर्न आग्रह गरेको हो ।
(1).gif)
हाल बेलायतका विभिन्न ठाउँहरुमा दैनिक हिंसात्मक प्रदर्शन र हुलदंगा चलिरहेको छ । यिनै घटनाक्रमहरुलाई उल्लेख गर्दे दूतावासले नेपालीहरूलाई आवश्यक सुरक्षा र सतर्कता अपनाउन आग्रह गरेको हो ।
दूतावासले बेलायतमा रहेका तथा बेलायत भ्रमण गर्न लागेका नेपालीहरूलाई यस्तो स्थानमा भ्रमण नगर्न तथा प्रदर्शनमा सहभागी नहुन समेत आह्वान गरेको छ ।
'राजदूतावासले वर्तमान परिस्थितिलाई नजिकबाट नियालिरहेको छ। यस्तो अवस्थामा सम्पूर्ण नेपाली नागरिकहरूलाई आवश्यक सुरक्षा सतर्कता अपनाउन एवं स्थानीय सञ्चारमाध्यम तथा सुरक्षा निकायले जारी गरेको सूचनाहरू ध्यानपूर्वक पालना गर्न अनुरोध गरिन्छ', दूतावासले एक सूचना जारी गर्दै भनेको छ।
दूतावासले बेलायतस्थित नेपाली संघ तथा संगठनहरूलाई आफ्नो संस्थारसमुदायमार्फत नेपाली नागरिकहरूलाई सुरक्षा सतर्कता अपनाउने सम्बन्धमा जानकारी गराउन र समन्वय गर्न समेत आग्रह गरेको छ ।
यसैगरी, केही सम्पर्क नम्बरहरु समेत उपलब्ध गराई दूतावासले आपतकालीन अवस्थामा यथाशीघ्र सम्पर्क गर्न समेत भनेको छ । दूतावासले जारी गरेको सूचना यस्तो छः
.png)
.png)
.jpg)
(1).gif)
.gif)
