.gif)
_(1).gif)
.jpg)
.png)
काठमाण्डौ । साताको पहिलो कारोबार दिन आज पनि नेपाल स्टक एक्सचेञ्च (नेप्से)मा दोहोरो अंकको उछाल आएको छ । आज नेप्से परिसूचक ३.४१ प्रतिशत अर्थात ९४.५३ अंकले बढेर २ हजार ८६०.९१ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ३.७६ प्रतिशतले बढेर ५०१.९१ विन्दुमा पुगेको छ । यो दिन नेप्सेमा सूचीकृत मध्ये ३३० वटा स्क्रिप्टको ६ करोड १ लाख ३१ हजार ६४६ कित्ता सेयर २५ अर्ब ६० करोड २५ लाख रुपैयाँभन्दा बढीको कारोबार भएको छ ।
आजको कारोबार गत साउन २२ पछिकै उच्च कारोबार हो । त्यसबेला २३ अर्ब ७१ करोड बढीको कारोबार भएको थियो ।
आजको बजारबारे अर्थशास्त्री सूर्यनारायण पौडेल भन्छन्, ‘आज बजार बढ्नुमा सरकारप्रति लगानीकर्ताको विश्वास बढ्नुनै मुख्य कारण हो । बजारले नकारात्मक समाचारलाई पचाएको छ । ट्रेडरहरुले नाफा बुक गर्दै फेरि बजार पसेका छन् । भोल्युमले समेत बजारलाई दरिलो साथ दिएको छ । केही नबढेका सेक्टर समेत आज बढेका छन् । यस्तो सरकारप्रतिको विश्वासका कारण भएको मान्न सकिन्छ ।’
बजार बीचबीचमा करेक्सन हुँदै आजकै सेन्टिमेन्ट कायम रहेको अवस्थामा बजारले अल टाइम हाईको उचाई हासिल गर्न सक्ने दाबी पौडेलले गरे ।
अर्का बजार जानकार दामोदर गजुरेलका अनुसार पनि आम लगानीकर्ताको मनोविज्ञान सरकारप्रति सकारात्मक भएका कारण बजारमा उच्च अंकको वृद्धि देखिएको छ । ‘आजको बजारको वृद्धिमा मुख्य गरेर २ वटा विषयले काम गरेको छ । एउटा भनेको आज बजारमा कारोबार तथा भोल्युम बढ्नु हो र अर्को भनेको यसअघिको २८१५ को प्रतिरोधलार्इ ब्रेक गरेर बजार माथि जानु हो । यसले बजारमा खरिदकर्ता हाबी भएको मान्न सकिन्छ,’ गजुरेलले भने ।
.gif)
यो दिन नेप्सेमा सूचीकृत १३ वटै समूहमा हरियाली छायो । आज जीवन बीमा समूहमा सबैभन्दा धेरै वृद्धि देखिएको छ । यो समूह आज ४.५५ प्रतिशतले बढेको छ । यस्तै आज बैंकिङ समूह ३.५५ प्रतिशत,विकास बैंक २.५८, वित्त ३.४८,होटल ०.९०, हाईड्रो ३.९३,लगानी ४.१२,उत्पादन तथा प्रशोधन १.७५,लघुवित्त ४.४०,म्युचुअल फण्ड ०.०१,निर्जीवन बीमा ३.४५ र अन्य समूह २.५१ प्रतिशतले बढ्यो ।
धेरै कारोबार गर्ने कम्पनीहरु
यो दिन हिमालयन रि इन्स्योरेन्सको सर्वाधिक सेयर कारोबार भयो । यो कम्पनीको आज १ अर्ब ५२ करोड रुपैयाँबराबरको सेयर कारोबार भयो । शिवम् सिमेन्टको आज १ अर्ब १६ करोड निफ्राको ६८ करोड २७ लाख,नेपाल फाइनान्स ५९ करोड ७४ लाख र अपर तामाकोशीको ५५ करोड २५ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका २१ वटा कम्पनीको सेयरमूल्यमा अपर सर्किट लाग्यो । आज नेशनल हाईड्रोपावर,नेरुडे मिर्मिरे लघुवित्त,एचआईडीसीएल,खानीखोला हाईड्रो,आँखुखोला जलविद्युत,अपर तामाकोशी,शुभम् पावर,आत्मनिर्भर लघुवित्त,मि सोलु हाईड्रोपावर,युनाइटेड इदी मर्दी, सिंगटी हाईड्रोपावर,रिडी हाईड्रोपावर,अरुण भ्याली हाईड्रो,एनआईसी एशिया लघुवित्त,हिमाल दोलखा हाईड्रो,अरुण काबेली पावर,शिवश्री हाईड्रो,निफ्रा,थ्रि स्टार हाईड्रो,सगरमाथा जलविद्युत कम्पनी र मन्दाकिनी हाईड्रोको सेयरमूल्यमा अपर सर्किट लाग्यो ।
यो दिन कुथेली बुखरी स्मल हाईड्रोको सेयरमूल्यमा सर्वाधिक अर्थात १० प्रतिशतको गिरावट आयो । यससँगै आज यो कम्पनीको सेयरमूल्यमा लोअर सर्किट लाग्यो ।
.png)
.jpg)
.gif)
.gif)
.gif)
