.gif)
_(1).gif)
.png)
काठमाण्डौ । सिवाईसी नेपाल लघुवित्त वित्तीय संस्था लिमिटेडको खुद ब्याज आम्दानी बढेपनि नाफामा भने गिरावट आएको छ । गत आवको अन्त्यसम्म संस्थाको खुद नाफामा १८.४८ प्रतिशतको गिरावट आएको छ । संस्थाले गत आवको चौथौ त्रैमाससम्म ३ करोड ८० लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने संस्थाले ७७ लाख ७ हजार मात्रै खुद नाफा कमाएको थियो ।
नाफा घटेता पनि संस्थाको खुद ब्याज आम्दानी भन बढेको छ । संस्थाले ३१ करोड ८७ लाख रुपैयाँ खुद ब्याज आम्दानी गरेको छ । यो रकम अघिल्लो आवको तुलनामा २३.७२ प्रतिशतले धेरै हो । यो अवधिसम्म संस्थाले खुद शुल्क तथा कमिशनबापत ८ करोड २५ लाख आर्जन गरेको छ ।
संस्थाको खुद सञ्चालन आम्दानी पनि ९.२२ प्रतिशतले बढेर ३७ करोड ९१ लाख रुपैयाँ पुगेको छ । यस्तै संस्थाको सञ्चालन मुनाफा ४ करोड ६४ लाख रुपैयाँ रहेको छ । यो अवधिसम्म संस्थाको सञ्चालन खर्च बढेको छ । अघिल्लो आवको अन्त्यसम्म २७ करोड ९० लाख रहेको सञ्चालन खर्च १९.२४ प्रतिशतले बढेर ३३ करोड २७ लाख रुपैयाँ पुगेको छ । संस्थाको वितरणयोग्य मुनाफा २ करोड ९७ लाख रुपैयाँ रहेको छ ।
संस्थाको रिटेन्ड अर्निङ र रिजर्भको आकार बढेको छ । अघिल्लो आवको अन्त्यसम्म ३२ करोड ४४ लाख रुपैयाँ रहेको रिटेन्ड अर्निङ र रिजर्भको आकार बढेर ३२ करोड ६८ लाख रुपैयाँ पुगेको छ ।
संस्थाको निक्षेप संकलन र कर्जा प्रवाहमा सुधार आएको छ । अघिल्लो आवको अन्त्यसम्म २ अर्ब १५ करोड रुपैयाँ रहेको निक्षेप संकलन बढेर २ अर्ब ४३ करोड रुपैयाँ पुगेको छ ।
त्यस्तै कर्जा प्रवाह पनि ५ अर्ब १७ करोड रुपैयाँबाट बढेर ५ अर्ब ९३ करोड रुपैयाँ पुगेको छ ।
इम्पेयरमेन्ट चार्जका लागि २ करोड २१ लाख रुपैयाँ छुट्टाएको संस्थाको खराब कर्जा अनुपात बढेको छ । संस्थाको खराब कर्जा अनुपात २.९८ प्रतिशत कायम भएको छ । अघिल्लो आवमा संस्थाको खराब कर्जा अनुपात २.९६ प्रतिशतमा सीमित थियो ।
समीक्षा अवधिसम्म संस्थाको प्रतिसेयर आम्दानी(ईपीएस) घटेको छ । अघिल्लो आवको चौथो त्रैमाससम्म १७.५४ रुपैयाँ रहेको ईपीएस घटेर १४.३० रुपैयाँमा सीमित बनेको छ ।
यस्तै संस्थाको प्रतिसेयर नेटवर्थ २२२.६९ रुपैयाँ,प्रतिसेयर कुल सम्पत्तिको मूल्य २ हजार ४६२.३६ रुपैयाँ,मूल्य आम्दानी अनुपात १०८.३८ गुणा र तरलता अनुपात ११.१६ प्रतिशत कायम भएको छ ।
.gif)
.png)
(31).jpg)
.jpg)
.jpg)
.gif)
.gif)
.gif)
