कम पूँजी भएका कम्पनीहरुको आईपीओ निष्काशनमा कडाई गर्दै सेबी

काठमाण्डौ । भारतमा कम पूँजी भएका कम्पीहरुको आईपीओ निष्काशनमा कडाई गरिने भएको छ । भारतको सेयर बजार नियामक ‘सेक्युरिटिज बोर्ड अफ इण्डिया’सेबीले कम पूँजी भएका कम्पनीहरुलाई सर्वसाधारणका लाई आईपीओ जारी गर्न र उनीहले उपयोग गर्ने फण्डको प्रयोगलाई कडाई गर्ने भएको हो ।  

सेबीले लामो समयसम्म नाफा कमाएका र आर्थिक रुपमा सक्षम कम्पनीहरुलाई मात्रै अब आईपीओ निष्काशनको तयारी गरिरहेको भारतीय मिडियाले बताएका छन् ।  

यद्यपी सेबी र एक्सचेञ्ज बोर्ड अफ इण्डिया, नेशनल स्टक एक्सचेञ्जबाट साना र मझौला उद्यमहरूको सूचीकरण स्वीकृति प्रक्रिया लिन इच्छुक छैनन् । कतिपय लगानीकर्ताले यस प्रक्रियामा नियामकको प्रत्यक्ष निगरानीको माग गरिरहेका छन् । छलफलहरू अझै प्रारम्भिक चरणमा छन् र नियामकको प्राथमिक बजार सल्लाहकार प्यानलमा प्रारम्भिक मस्यौदा प्रस्तुत गर्नु अघि उपायहरू परिमार्जन गर्न सकिने जनाइएको छ ।  

भारतमा कोरोना महामारीपछि कम पूँजी भएका कम्पनीहरुको आईपीओको बाढी नै आएको थियो । साना कम्पनीहरुले व्यवसाय विस्तार र वृद्धिका लागि प्राथमिक बजारलाई रोजिरहेका छन् । करिब २ साता अघि मात्रै २ वटा मात्रै आउटलेट र ८ जना कर्मचारी भएको एउटा मोटरसाइकल शोरुम कम्पनीले आईपीओ जारी गरेको थियो । जसमा सर्वसाधारणबाट ४०० गुणा भन्दा बढी आवेदन परेको थियो ।  

अप्रमाणित ट्र्याक रेकर्डका साथसाथै स्टक–मूल्य हेरफेरका भएका कम्पनीहरुको सेयरको लागि लगानीकर्ताको आकर्षण बढेपछि भारतीय अधिकारीहरू आईपीओ निष्काशनको कडाईमा उत्रिएका हुन् ।