अहिलेको बुल ३६ सय विन्दु माथिसम्म पुग्न सक्ने, यस्ता छन् आधारभूत तथा प्राविधिक आधार

काठमाण्डौ । यो साता सेयर बजारमा ३ दिन मात्रै कारोबार भयो । इन्द्रजात्रा र संविधान दिवसको कारण सेयरबजारमा बन्द रह्यो । तीन दिनको कारोबारमा बजार ३ दिन नै  घट्यो  । अघिल्लो साता २६ सय ८८ को विन्दुमा बन्द भएको बजार यो साता २५ सय ७६  को विन्दुमा बन्द भयो । यस हिसाबले यो साता सेयर बजारमा १११.७९ अंकका गिरावट आयो । अघिल्लो साता पनि ३८.८३ अंकले बजार घटेको थियो ।

यो साताको ३ दिन कारोबारमा २३.३७ अर्बको कारोबार भयो । अघिल्लो साता यस्तो कारोबार ४१ खर्ब ८२ अर्बबराबर भएको थियो । यस हिसाबले यो साता नेप्से घट्दा कारोबार पनि घट्यो । यो साता बजार पूँजीकरण ४० खर्ब ९७ अर्ब पुग्यो । यस्तो बजार पू्ँजीकरण अघिल्लो साता ४२ खर्ब ७४ खर्ब रुपैयाँ रहेको थियो । यस हिसाबले यो साता नेप्से घट्दा बजार पूँजीकरण १ खर्ब ७७ अर्बले घट्यो । यो साता पनि नेप्से घट्दा बजार पू्ँजीकरण र कारोबार दुवै घट्यो ।  

प्राविधिक पक्षः  

इलअिट वेभमा वभिन्नि डिग्रीहरु हुने गर्छन् । त्यस्ता डिग्रीहरुले साना–ठूला गरेर एक दनिदेखि एक सय वर्षसम्मको समय अबधलिाई प्रतिनिधित्व गर्छन् । इलअिट वेभमा मूल्य माथि जान ५ फरक÷फरक वेभ हुन्छन् भने तल जान ३ वेभ हुन्छन् ।  

माथि लाग्ने ५ वेभमा पनि ३ वटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत दिन्छ ।

इलिअट वेभको आधारमा हालको बजारको अबस्था कस्तो ?

नेपालको सेयर बजारको पछिल्लो अवस्था इअिट वेभ मार्फत नियाल्दा माइनर डिग्रीको चौंथो वेभको करेक्सनले बजार २५५०  सम्म आएको देखिन्छ । बजारलाई पछिल्लो पल्टको न्युन विन्दु १८०० देखि ३००० सम्मको विन्दुलाई इलिअट वेभका सिद्धान्त र गाइडलाइन अनुसार हेर्दा वेभ १ मा बजारले ४ महिनाको समय अवधि लगाएर १८ सयदेखि २२ सयसम्म पुग्यो ।  

त्यस पछि ३ महिनाको समय अवधि लगाएर बजार वेभ २ मा १९६० सम्म आयो । त्यस पछि २०८१ सालको वैसाखदेखि भदौसम्म ४ महिनाको नै समय लगाएर वेभ ३ को बढोत्तरीमा बजार ३ हजारसम्मको विन्दुसम्म पुग्यो । त्यस पछि हालको करेक्सन फिवोनासीको ५० प्रतिशतसम्म करेक्सन भएर २५५० सम्म आयो ।  

यो भनेको इलिअट वेभको सिद्धान्तअनुसार वेभ ४ मा बजार ३८ प्रतिशतदेखि ५० प्रतिशतसम्म करेक्सन हुन सक्छ भन्ने सिद्धान्तमा नै नेपालको बजार चलेको देखिन्छ । यस हिसाबले अहिलेसम्म बजारले बनाएको चक्रको आधारमा अब वेभ ५ को बढोत्तरीमा बजारले अल टाइम हाइए बनाएर पाँचौ वेभमा ३६ सय सम्मको विन्दु पुग्न सक्ने देखिन्छ । जुन भनेको पाँचौ वेभ विस्तार हुने र त्यस पछि एबीसीको करेक्टिभ मोड चल्न सक्ने देखिन्छ ।

आधारभूत रुपमा अहिलेको बजारको अवस्था कस्तो ?

सेयर बजार र ब्याजदरको सम्बन्ध जहिले पनि विपरित हुन्छ । हाल बैंकिङ प्रणालीमा प्रयाप्त तरलता र न्यून ब्याजदर रहेको छ । राजनीतिक तथा आर्थिक रुपमा पनि सहज वातावरण नै रहेको दखिन्छ । देश भित्र हाल लगानी प्रभावित पार्ने कुनै पनि अशान्ति, हड्ताल र असहजताको वातावरण पनि छैन । त्यसैल अहिले आधारभूत रुपमा पूँजीबजारमा लगानी गर्न कुनै किसिमको अनसिस्टेमेटिक जोखिम रहेको देखिदैन । यद्यपी सेयर बजारमा सिस्टोमेटिक रिक्स भने संधै रहेको हुन्छ ।  

बोलिङ्गर ब्याण्ड, म्याक्डी र एमएफआई

बोलिङ्गर ब्याण्डको आधारमा हाल नेप्से तल्लो ब्याण्डमा चलेको छ । साताको अन्तिम कारोबारमा बजारले डोजी प्रकृतिको क्याण्डल बनाएको छ । म्याक्डीमार्फत नियाल्दा यस अघि बनेको वियरिस क्रसओभर भ्यालिड नै रहेको छ । तर हिस्टोग्राम छोटा–छोटा र फिक्का हुँदै गएका छन् । मनी फ्लो इन्डेक्समा बजार ओभर सोल्ड जोन २० बाट फर्केर हाल ३३ को विन्दुमा पुगेको छ । अर्थात बजार मनी फ्लो इन्डेक्समा बुलिस डाइभर्जेन्स बनेको छ ।  

पिभट् प्वइन्टः  

पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – २९२३

प्रतिरोध २ – २८४२

प्रतिरोध १–  २७४५

पिभट प्वइन्टः २६८३

घटेमा सपोर्ट  

सपोर्ट १– २६०६

सपोर्ट २– २५२५

सपोर्ट  ३ –२४४८

निष्कर्षः   साप्ताहिक रुपमा बजारलाई नियाल्दा यो सातासम्म बजार लगातार ५ साता लगातार करेक्सन आएको छ । तर यो साता भने बजार २५५० को विन्दुमा सपोर्ट लिएर २५७६.७६  को विन्दुमा बन्द भएको छ । साप्ताहिक रुपमा भने  बियरिस प्रकृतिको क्याण्डल बनेको छ । यो साता भोल्युम निकै ड्राइ भएको छ ।  

इलिअट वेभबाट बजारलाई नियाल्दा बजारले करिब माइनर डिग्रीको करेक्नसअन्तर्गत ‘सी’ वेभको करेक्सन करिब २५०० आसपासमा सकिदै गरेको भन्न सकिन्छ । जसमा वेभ ‘ए’ बराबर वेभ ‘सी’ हुन्छ भन्ने सिद्धान्तको आधारमा पनि बजरमा करिब बटम लागेको पुष्टि हुन्छ । जसलाइ आगामी साताको कारोबारले थप पुष्टि गर्नेछ । मनी फ्लो इन्डेक्सले भने बजारमा बुलिस डाइभर्जेन्स बनाएको देखिन्छ ।  

नोटः सेयर बजारमा लगानी जोखिमपूर्ण, हुन्छ यो विश्लेषण कारोबारका लागि सिफारिस भने होइन ।