(1).gif)
(2).gif)
.jpg)
.png)
काठमाण्डौ । माइक्रोसफ्टका सह–संस्थापक बिल गेट्स विश्वको शीर्ष १० धनाढ्यको सूचीबाट बाहिरिएका छन् ।
फोब्र्सले सार्वजनिक गरेको नयाँ सूचीअनुसार गेट्सको सम्पत्ति १०७ अर्ब डलरमा सीमित बनेको छ । यससँगै उनी विश्वको धनाढ्यको सूचीमा १२ औं स्थानमा झरेका छन् ।
यसअघि उनी छैठौं स्थानबाट झरेर ९ औं स्थानमा थिए । गेट्स विश्वको धनाढ्यको शीर्ष १० सूचीबाट सन् १९९१ पछि पहिलोपट बाहिरिएका हुन् ।
.gif)
उनको सम्पत्तिमा व्यापक गिरावट आउनुमा उनले आफ्नी श्रीमतिसँग गरेको डिभोर्स मुख्य कारण हो । गेट्सले आफ्नी श्रीमति मेलिन्डा गेट्ससँग २७ वर्षे वैवाहिक सम्बन्ध तोड्दै सन् २०२१ मा डिभोर्स गरेका थिए ।
यससँगै मेलिन्डाले गेट्स फाउण्डेशनको उपाध्यक्षबाट समेत राजीनामा दिने बताएकी छन् । यस्तै उनले बिल गेट्सबाट १२.५ अर्ब डलर अतिरिक्त रकम पाउने समेत दाबी गरेकी छन् ।
डिभोर्सपश्चात मेलिन्डा गेट्सको सम्पत्ति २९ अर्ब डलर पुगेको छ । जुन एक वर्षअघि १०.३ अर्ब डलर थियो । यससँगै उनी अमेरिकाको नवौं धनी महिला बनेकी छन् ।
.png)
