ठूला लगानीकर्ताको अनुशरण गरेर सेयर कारोबार गर्दा सावधानी अपनाउन नेप्सेको सुझाव

काठमाण्डौ । नेपाल स्टक एक्सचेञ्ज(नेप्से)ले ठूला लगानीकर्ताको अनुशरण गरेर सेयर कारोबार गर्दा सावधानी अपनाउन सूचित गरेको छ । नेप्सेले आज एक सूचना जारी गर्दै यस्तो जनाएको हो ।  

नेप्सेले ठूला लगानीकर्ता वा अनुभवी लगानीकर्ताले गर्ने कारोबारको नक्कल गर्दा सावधानी अपनाउन भनेको छ ।

जोखिम वहन गर्ने क्षमता, अनुभव र स्रोत अनुसार उसले अपनाउने लगानी रणनीति आफ्ना लागि उपयुक्त हो कि होइन विचार गर्नुपर्ने नेप्सेले जनाएको छ । 

पछिल्लो समय सेयर बजारमा कहलिएका र ठूला लगानीकर्ताको पछि लाग्दा आम लगानीकर्ताको लगानी जोखिममा पर्न थालेसँगै नेप्सेले लगानीकर्तालाई यस्तो सूचना जारी गरेको हो ।