सिद्धार्थ सिस्टेमेटिक फण्डको आकार ९८ करोड पुग्यो

काठमाण्डौ । सिद्धार्थ बैंक लिमिटेड कोष प्रवद्र्धक रहि सिद्धार्थ क्यापिटल लिमिटेड योजना व्यवस्थापक रहेको सिद्धार्थ म्युचुअल फण्डअन्तर्गत सञ्चालनमा रहेको सिद्धार्थ व्यवस्थित लगानी योजना एक खुल्लामुखी सामुहिक लगानी कोष योजना हो । 

यो योजना असार १ लाख ६२ हजार ७८ गते रु.२० करोडको आकारबाट शुरु गरी आजको दिनसम्ममा करिब रु.९८ करोड पुग्न सफल भएको छ । नेपाल धितोपत्र बोर्डबाट स्वीकृत १ अर्बको आकारलाई असोज २२ गतेको पत्रबाट थप स्वीकृति प्राप्त भई रु.१ अर्ब ५० करोड कायम गरिएको योजना व्यवस्थापक सिद्धार्थ क्यापिटलले जनाएको छ ।

साथै,इकाईधनीहरुको अनुरोध तथा सुझाब भएबमोजिम योजना व्यवस्थापकले यस योजनाका इकाईधनीहरुको हितलाई मध्यनजर गर्दै इकाई बिक्री गर्दा खुद सम्पत्ति मूल्यमा कट्टा गरिने १.५ प्रतिशत बहिर्गमन शूल्क इकाई खरीद गरेको ३ वर्ष पश्चात् मात्र छुट हुने व्यवस्थालाई संशोधन गरी एक वर्ष पश्चात् नै उक्त बहिर्गमन शूल्क छुट हुने व्यवस्था कायम गरिएको छ ।

यस योजनाअन्तर्गतको व्यवस्थित लगानी योजना मार्फत हालसम्म करिब १९ हजार इकाईधनीहरु यस योजनमा आवद्ध रहेका छन् । असोज मसान्तसम्म योजनाको प्रतिइकाई खुद  सम्पत्ति मुल्य रु.११.३० रहेको छ ।