.gif)
_(1).gif)
.jpg)
.png)
काठमाण्डौ । पूँजी बजारमा लगानी गर्दै आएकाहरुले स्थापना गरेको लगानी कम्पनी एभरेष्ट भेन्चर्स लिमिटेडले प्रथम वार्षिक साधारण सभा सम्पन्न गरी नयाँ सञ्चालक समिति चयन गरेको छ ।
काठमाण्डौको कमलपोखरीमा शनिबार आयोजित साधारण सभाले डिल्लीराम बसेल, नयन बास्तोला, बासुदेव खरेल, केवलप्रसाद फुँयाल र भुपाल चालिसे रहेको पाँच सदस्यीय सञ्चालक समिति चयन गरेको हो । साधारण सभा लगत्तै बसेको सञ्चालक समितिको बैठकले डिल्लीराम बसेललाई सञ्चालक समितिको अध्यक्ष चयन गरेको छ ।
कम्पनीको साधारणसभाले विभिन्न वार्षिक प्रगति प्रतिवेदन र लेखापरीक्षण प्रतिवेदन पारित गर्नुका साथै प्रबन्ध पत्र तथा नियमावलीमा संशोधन समेत गरेको छ । कम्पनीले तत्कालका लागि धितोपत्र बजारमा लगानी बढाएर सेयरधनीलाई आउने वर्ष राम्रो प्रतिफल दिने अठोट गरेको छ ।
५० करोड जारी पूँजी रहेको कम्पनीमा ३५ करोड रुपैयाँ संस्थापक लगानी रहने र जारी पूँजीको ३० प्रतिशत अर्थात १५ करोड बराबरको सेयर सर्वसाधारणमा जारी गरिने बताईएको छ । कम्पनी अधिकृत पूँजी भने २ अर्ब रहेको छ । कम्पनीले निकट भविष्यमा आफ्नो पूँजी बढाएर लगानीको दायरा फराकिलो बनाउने रणनीति लिएको अध्यक्ष बसेलले बताए ।
कम्पनीका प्रमुख कार्यकारी अधिकृतमा सेयर बजारका लगानीकर्ता तिलक कोइराला छन् ।
.gif)
.png)
.jpg)
.jpg)
.png)
.gif)
.gif)
.gif)
