नेपाल डिपि बन्यो लुम्बिनी लायन्सको ‘क्यापिटल मार्केट पार्टनर’, एनपीएल अवधिभर विशेष योजना ल्याउने

काठमाण्डौ । निक्षेप सदस्य कम्पनी, (१० स्टक ब्रोकिङ्ग कम्पनीहरूले प्रवद्र्धन गरेको पब्लिक कम्पनी), नेपाल डिपि लिमिटेडले नेपाल प्रिमियर लिग(एनपीएल)२०८१ का लागि लुम्बिनी लायन्स फ्रेंचाइजसँग साझेदारी गरेको छ । 

सम्झौता अनुसार नेपाल डिपि लिमिटेड लुम्बिनी लायन्सको आधिकारिक क्यापिटल मार्केट पार्टनर बनेको छ ।

सम्झौतामा नेपाल डिपि लिमिटेडका प्रमख कार्यकारी अधिकृत अञ्जनराज पौड्याल र लुम्बिनी लायन्सका क्रिकेट म्यानेजर राजजंग थापाको उपस्थितिमा हस्ताक्षर भएको थियो ।

प्रायोजनको उद्देश्य नेपाली क्रिकेटलाई प्रवद्र्धन गर्नुका साथै विशेष गरी युवा पुस्ता एवं नेपाली जनमानसमा क्यापिटल मार्केटको बारेमा जनचेतना िसर्जना गर्नु रहेको जनाइएको छ । नेपाल डिपि लिमिटेडले यसको प्रवद्र्धक स्टक ब्रोकिङ्गकम्पनीहरूको सहयोगमा एक वित्तीय साक्षरता छलफल कार्यक्रम आयोजना गर्नेछ । कम्पनीले नेपाल प्रिमियर लिगको अवधिमा आफ्ना सेवाहरुमा विशेष योजनाहरु पनि घोषणा गर्नेछ ।