‘इन्भर्टेड हेड एण्ड सोल्डर’ प्याटर्न बनाएको बजारमा अब कति–कतिमा छ प्रतिरोध ?

काठमाण्डौ । पछिल्लोपटक २८ सय विन्दु तल प्रतिरोध सामना गरेको बजार लगातार २ दिन बढेको छ । आजको बजारलाई डेली बेसमा क्याण्डल स्टिकबाट नियाल्दा ‘लंङ लेग्ड डोजी’ बनेको छ । यसमा तलको धागोले बजारमा क्रेता हाबी भएको बुझिन्छ भने माथिको धागोले अझै पनि बजारमा बिक्रेता हाबी भएको बुझिन्छ ।  

यो भनेको अनिर्णयको क्याण्डल पनि हो । यस हिसाबले यदि आगामी कारोबारमा आजको उचाइ २ हजार ७९३ विन्दुभन्दा माथि–माथि कारोबार भएमा बजारले अप ट्रेन्ड पनि लिन सक्छ । आजको न्यून विन्दु २ हजार ७५१ भन्दा तल झरेमा करेक्सनको यात्रा पनि लिन सक्छ ।  

Sponsored

बजारलाई बिभिन्न प्याटर्नहरुमार्फत नियाल्दा कार्तिक र मंसिर महिनामा इन्भर्टेड हेड एण्ड सोल्डर बनाएको देखिन्छ । यो भनेको सम्भावित रुपमा बजारले अप ट्रेण्ड लिंदै गरेको भन्ने पनि हो । यदि हाल बनेको यस प्याटर्न भ्यालिड बनेर बजार माथि लागेमा २ हजार ९ सय विन्दुसम्म बजारको टार्गेट हुन सक्छ ।

पिभट् मार्फत नियाल्दा आज २ हजार ७७५ विन्दुमा बन्द भएको बजारले पहिलो प्रतिरोध सामना गरेको २७९४, २८४० र २९०७ विन्दुमा प्रतिरोध सामना गर्न सक्छ । त्यसैगरि, घटेमा भने क्रमश ः २७२७, २६८१ र २६१४ विन्दुमा सपोर्ट लिन पनि सक्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।