होन्डा र निस्सान मर्ज हुँदै, चिनियाँ अटो निर्मातासँग प्रतिष्पर्धा गर्न सहज हुने विश्वास

काठमाण्डौ । जापानका दुई दिग्गज अटो निर्माता कम्पनी मर्जरमा जाने भएका छन् । अटो निर्माता कम्पनी होन्डा र निस्सान मर्जरमा जाने तयारीमा लागको हुन् ।  

हाल यी दुवै कम्पनी मर्जरसँग सम्बन्धित वार्तामा रहेका छन् । तर अन्तिम सम्झौता कहिले हुन्छ र यसको प्रारुप कस्तो हुन्छ भन्ने विषयमा भने दुवै कम्पनीले केही पनि बताएका छैनन् । मंगलबार दुवै कम्पनीले एउटा संयुक्त विज्ञप्ती जारी गर्दै गत मार्च महिनादेखि सम्भावित सहकार्यका लागि दुई कम्पनीबीच छलफल भईरहेको र यस विषयमा भविष्यमा विकास हुने घटानक्रमका बारेमा उपयुक्त समयमा जानकारी उपलब्ध गराउने बताएका छन् ।  

यो प्रारम्भिक छलफलमा मित्सुविसी पनि संलग्न रहेको बताइएको छ । तर यस बारेमा मित्सुविसीले भने कुनै पनि धारणा सार्वजनिक गरेको छैन । गत मार्च महिनामा होन्डा र निस्सानले ईभी कार निर्माणका लागि सहकार्य गर्न बताएका थिए भने अगस्ट महिनामा ब्याट्री विकासका लागि साझेदारीको घोषणा गरेका थिए ।  

पछिल्लो समय दुवै कम्पनीले सामना गर्दै आएको चुनौतिपूर्ण अवस्थामा यो मर्जरले दुवै कम्पनीलाई फाइदा पुग्ने विश्वास गरिएको छ । यी दुवै कम्पनी अन्य गैर–चिनियाँ कम्पनीजस्तै चीनको अटो बजारबाट प्रभावित बनेका छन् । चीन सरकारले स्थानिय अटो निर्माताको प्रवद्र्धन र विकासका लागि विभिन्न अनुदान र सहयोग प्रदान गर्दै आईरहेको छ ।