लगातार तीन साता घट्यो नेप्से, डाउ थेउरीमा अबको सम्भावना कस्तो ?

काठमाण्डौ । यो साता सेयर बजारमा ४ दिन कारोबार भयो । ४ दिनमा बजार ३ दिन घट्यो भने १ दिन मात्रै बढ्यो । अघिल्लो साता २ हजार ६८२.२९ विन्दुमा बन्द भएको बजार यो साता २ हजार ५९६. ८२ विन्दुमा बन्द भयो ।  

यस हिसाबले यो साता समग्रमा बजार ८५.४१ अंकले घट्यो । अघिल्लो साता बजार ५२ अंकले घटेको थियो  । यो साता ४ कारोबार दिनमा १९ अर्ब ३० करोडबराबरको कारोबार भयो । अघिल्लो साता ५ दिनमा २८ अर्ब ६८ करोडबराबरको कारोबार भएको थियो । यस हिसाबले यो साता बजार घट्दा कारोबार पनि घट्यो ।  

यो साता बजार पूँजीकरण ४३ खर्ब ७ अर्ब पु्गेको छ । अघिल्लो साता बजार पूँजीकरण ४४ खर्ब ४९ अर्ब रहेको थियो । यस हिसाबले यो साता बजार घट्दा १ खर्ब ४२ अर्बले बजार पूँजीकरण घटेको छ । नेप्सेमा तीन साता अगाडी बजार पूँजीकरण ४५ खर्ब ५६ अर्ब रहेको थियो भने यो साता ४३ खर्ब ७ अर्ब रहेको छ । यस हिसाबले तीन सातामा बजार पूँजीकरण २ खर्ब ४९ अर्बले घट्यो ।  

प्राविधिक पक्षः  

डाउ थेउरीको आधारमा अबको बजार कस्तो ?

तीन साताअघि २७८० विन्दुमा ३ पटक नै प्रतिरोध सामना गरेर खसेको बजार यो साता २६ सय विन्दु तल बन्द भएको छ । त्यसपछि २६६० विन्दुसम्म खसेको बजारले २७३० विन्दुमा लोअर हाई बनायो । यो भनेको डाउ थेउरीअन्तगर्त बजारले वियरिस यात्रा तय गर्दै गरेको छ भन्ने हो । यो भन्दा अगाडीको विन्दु २७८० र २७३० विन्दुहरु जोड्दा एउटा ट्रेन्ड लाइन बन्न जान्छ । अब बजारले माथिको यात्रा तय गर्न यो ट्रेन्ड लाइन भन्दा माथि बजार बन्द हुनु पर्नेछ ।  

अर्थात यो साता २६ सयबाट तल खसेको बजार आगामी साता कुनै पनि विन्दुबाट फर्केर २६५० विन्दुभन्दा माथि बन्द हुन्छ भने डाउ थेउरीअन्तगर्त बजारले अप ट्रेन्ड लिएको मान्न सकिन्छ । अन्यथा बजार केही समय साइड वेजनै चल्न सक्ने देखिन्छ ।  

इचिमोकूको आधारमा  

इचिमोकूको आधारमा यो साता बजार क्लाउड पोजिसनबाट तल खसेको छ । यसले घट्दो बजारलाई जनाउँछ । बेस लाईनलाई कन्भर्जन लाइनले माथिबाट काटेर तल खसेको छ । २६ दिन पछाडी चल्ने ल्यागिङ स्पान पोजिसन पनि घट्दो अवस्थामा रहेको छ । क्लाउडको पोजिसन हरियो नै रहेता पनि विस्तारै रातो हुने क्रममा देखिन्छ । समग्रमा इचिमोकूमार्फत नियाल्दा हाल बजार साइडवेज नै चलेको देखिन्छ ।  

कारोबार तथा मनीफ्लो इन्डेक्सको आधारमा  

यो साता बजारमा निकै कम कारोबार आएको छ । अर्थात भोल्युम ड्राई अप बन्दै गरेको देखिन्छ । डेली बेसमा बजारलाई मनी फ्लो इन्डेक्सबाट नियाल्दा यो साता ३० को तहमा पुगेको छ । घट्दो बजारमा यस्तो इन्डेक्स २० भन्दा तल पनि आउन सक्छ । मनी फ्लो इन्डेक्समा ८० भन्दा माथिको विन्दुलाई ओभर बट जोन र २० भन्दा तलको विन्दुलाई ओभर सोल्ड जोन मानिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – २९३७

प्रतिरोध २ – २८५९

प्रतिरोध १–  २८०३

पिभट प्वइन्टः २७३२

घटेमा सपोर्ट  

सपोर्ट १– २६७६

सपोर्ट २– २६०५

सपोर्ट  ३ –२५४९

निष्कर्षः यो साता नेप्से ८५ अंकले घट्यो । अघिल्लो साता भने नेप्सेमा ५२ अंकको गिरावट आएको थियो । त्यो भन्दा अघिल्लो साता बजार १२ अंकले घटेको थियो । यस हिसाबले तीन सातामा बजारमा १४९ अंकको गिरावट आएको छ ।  

डेली बेसमा बजारलाई बोलिङ्गर ब्याण्डबाट नियाल्दा यो साता तल्लो ब्याण्डमा चलेको छ । डेली बेसमा आरएसआई ३६ को तहमा चलको देखिन्छ । मूभिङ एभरेजबाट नियाल्दा पनि बजार ५० दिने मूभिङ एभरेजबाट तल खसेको छ । पिभट्बाट नियाल्दा बजारले यस अघिनै पहिलो र दोस्रो सपोर्ट भत्काईसकेको छ ।

यस हिसाबले अब आगामी साता बजारले पिभट् प्वइन्टको तेस्रो सपोर्ट २५५० विन्दु आसपासमा बलियो सपोर्ट लिन सक्छ । किनकी बजारमा इन्डिेटरहरु ओभर सोल्ड जोन नजिक पुगिसकेका छन् । डाउ थेउरीमा भने बजारले हाल लोअर लोका सिरिज बनाएको छ । यदि अगामी कारोबारमा बजारले हायर हाईका सिरिज बनाएको खण्डमा माथिको यात्रा तय पनि गर्न सक्छ ।  

क्षेत्रगत रुपमा हेर्दा यो साता बजारमा सबै उपसमूहमा रातो पोतियो ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारको लागि सिफारिस भने होइन ।