युरोपेली सेयर बजारमा आज बढोत्तरी, अन्यको कस्तो छ अवस्था ?

काठमाण्डौ । आज युरोपेली सेयर बजार वृद्धि भएको छ । क्रिसमसको बिदापछि खुलेको युरोपेली सेयर बजार मापक इन्डेक्स ‘पान–युरोपियन स्टकएक्स६००’ ०.४ प्रतिशतले बढेको छ ।  

आज स्टकएक्सका अधिकांश सेक्टरहरुमा वृद्धि देखिएको छ । आज हेल्थकेयर स्टकमा सर्वाधिक वृद्धि देखिएको छ । आज नोभो नोर्डिस्कको सेयरमूल्य २.५ प्रतिशतले बढेको छ । डेनमार्क यो कम्पनीको सेयरमूल्य गत साताको गिरावटबाट माथि उठ्दै पछिल्लो समय निरन्तर बढिरहेको छ ।  

यस्तै आज नर्वेको तेल तथा ग्यास कम्पनी भार इ्रनर्जीको सेयरमूल्य पनि ३ प्रतिशतको हाराहारीमा बढेको छ ।  

आज विश्वका अन्य सेयर बजारको अवस्था आज मिश्रित रहेको छ । आज जापानको सेयर बजार निक्की २२५ १.८० प्रतिशतले बढेको छ । यस्तै कोरियाको कोस्पी १.०२ र हङकङको हाङसेङ ०.०३९ प्रतिशतले घटेको छ ।  

आज भारतको दुवै सेयर बजार मापक इन्डेक्समा भने हरियाली छाएको छ । आज निफ्टी५० ०.२७ र सेन्सेक्स इनडेक्स ०.२९ प्रतिशतले बढेका छन् ।