ब्रोकर मर्जर निर्देशिका तयार हुँदै ,पुराना ३८ वटालाई पूँजी पुर्‍याउन हम्मे–हम्मे !

काठमाण्डौ । धितोपत्र बोर्डले तोकेको चूक्तापूँजी पुर्याउन ३८ वटा ब्रोकरहरुलाई हम्मेहम्मे पर्ने भएको छ । हाल धितोपत्र बोर्डले सीमित कार्य गर्नेको हकमा २० करोड, पूर्ण कार्य गर्ने ब्रोकरहरुको हकमा ६० करोड र स्टक डिलरको लागि १ अर्ब ५० करोड पूँजी तोकेको छ । जसअन्तगर्त पुराना ३८ वटा ब्रोकरले सीमित कार्य गर्नको लागि मात्रै धितोपत्र बोर्डले तोकेको २० करोड चुक्तापूँजी पुर्याउन बाँकी छ ।  

नयाँ ब्रोकरहरुले भने २० करोडका चूक्तापूँजी पुर्याएर नै धितोपत्र बजारमा आएका छन् । धितोपत्र बोर्डका प्रवक्ता निरञ्जन घिमिरेले दिएको जानकारीअनुसार हाल पुराना ३८ वटा ब्रोकरहरुलाई कार्ययोजना पेश गर्न बोर्डले पत्राचार गरेको छ । जसमा हालसम्म केहीले पठाई सेकेको र केहीले पठाउन बाँकी रहेको प्रवक्ता घिमिरेले जानकारी दिए । यस्तो योजना ब्रोकरहरुले पुस मसान्तसम्म धितोपत्र बोर्डलाई बुझाईसक्नु पर्नेछ भने पूँजी यस आर्थिक वर्षको असार मसान्तसम्म पुर्याई सक्नु पर्नेछ ।  

ब्रोकरहरुलाई पूँजी पुर्याउका लागि बैंकहरुले जस्तै हकप्रद तथा बोनस सेयर पनि जारी गर्न सक्ने छन् । यसका साथै, ब्रोकरलाई मर्जमा जान सक्ने व्यवस्थामा पनि धितोपत्र बोर्डले नयाँ निर्देशिका ल्याउँदै गरेको प्रवक्ता घिमिरेले जानकारी दिए । धितोपत्र व्यवसायी नियमावली, २०६४ को २०७९ भदौ २९ गते भएको ५ औं संशोधनको नियम ७ को उपनियम ३ मा ‘धितोपत्र दलाल वा व्यापारीले अर्को धितोपत्र दलाल वा व्यापारीलाई प्राप्ति गर्ने वा गाभ्ने/गाभिने सम्बन्धमा बोर्डले आवश्यक निर्देशिका बनाई लागू गर्न सक्नेछ’ भन्ने व्यवस्था गरेको छ ।  

सोही व्यवस्थाअनुसार बोर्डले निर्देशिका निर्माणको अन्तिम चरणमा प्र्याएको पनि प्रवक्ता घिमिरेले बताए । यसैबीच पुराना केही ब्रोकरहरुलाई बोर्डले तोकेको पूँजी पुराउन हम्मेहम्मे हुँदै गएको र हकप्रद तथा बोनस तथा मर्जरको विकल्प सोच्दै गरेको एक ब्रोकरले जानकारी दिए । कोहिनूर सेक्यूरिटिज (स्टक ब्रोकर नम्बर ३५) का सञ्चालका भरत रानाभाटले भने आफूलाई धितोपत्र बोर्डले तोकेको पूँजी पुर्याउन कुनै समस्या नभएको प्रतिक्रिया दिए ।  

यी हुन् तोकिएको पूँजी पुर्याउन बाँकी ब्रोकर: