हिमालयन लाइफ इन्स्योरेन्सद्वारा बीमा दाबी रकम भुक्तानी

काठमाण्डौ । हिमालयन लाइफ इन्स्योरेन्सले मृत्यु बीमा दाबी भुक्तानी गरेको छ । कम्पनीको पोखरा शाखाले बीमितको हकवालालाई बीमा दाबी वापतको रकम हस्तान्तरण गरेको हो ।  

स्व.बीमित मिलन सापकोटाको गत असोज महिनामा जापानको नदीमा पौडी खेल्ने क्रममा मृत्यु भएको थियो । उनको मृत्युपछि हकवाला धन बहादुर सापकोटालाई कम्पनीले २० लाख ८४ हजार रुपैयाँ बीमा वापतको रकम हस्तान्तरण गरेको हो ।  

बीमित सापकोटाले हिमालयन लाइफमा १० लाख रुपैयाँको जीवन बीमा गराएका थिए । उनले कम्पनीको सिनियर एजेन्सी म्यानेजर नानी माया सापकोटा समक्ष बीमा पोलिसी खरिद गरेका थिए ।  

बीमितको मृत्यु बीमा दाबीको रकम स्वयं एजेन्सी म्याजेनर सापकोटाले नै हस्तान्तरण गरेकी हुन् । मानिसको मृत्यु अनिश्चित भएकाले सबैले अनिवार्य जीवन बीमा गर्नुपर्ने अभिकर्ता सापकोटाले सुझाव दिइन् ।  

उनी हिमालयन लाइफ इन्स्योरेन्सकी सक्रिय अभिकर्ता हुन् । बीमितमुखी भएकाले उनी हालसम्म ६ पटक एमडीआरटी पनि बनिसकेकी छिन् ।