सुनको मूल्य १७ डलरले बढ्यो, प्रतिऔंस कति पुग्यो भाउ ?

काठमाण्डौ । आजको कारोबारमा सुनको मूल्य वृद्धि भएको छ । अन्तर्राष्ट्रिय बजारमा आज सुनको मूल्य ०.६४ प्रतिशत अर्थात १७.०२ डलरले बढेको छ ।  

यो समाचार तयार पार्दासम्म सुनको मूल्य प्रतिऔंस २ हजार ६७३ डलरमा कारोबार भईरहेको छ ।  

बिहिबारको कारोबारमा सुनको मूल्य ४ साताकै उच्च नजिक पुगेको थियो । त्यसदिन सुनको मूल्य २ हजार ६८९ डलरसम्म पुगेको थियो । अमेरिकी नवनिर्वाचित राष्ट्रपति डोनाल्ड ट्रम्पले कार्यभार सम्हाल्ने मिति मिति नजिकिएसँगै लगानीकर्तामा ट्रम्पले अबलम्बन गर्ने नीतिले अर्थतन्त्र र मुद्रास्फितीमा पार्नसक्ने प्रभावका विषयमा चासो बढेकाले सुनको मूल्यमा वृद्धि देखिएको हो । ट्रम्पले यही जनवरी २० मा राष्ट्रपतिको रुपमा आफ्नो दोस्रो कार्यकाल सम्हाल्दै छन् ।  

यद्यपी डलरको बढ्दो मूल्यका कारण भने सुनको मूल्य केही दिनयता खासै बढ्न सकिरहेको थिएन ।  

आज चाँदीको मूल्य समेत बढेको छ । चाँदीको मूल्य आज ०.२६ डलरले बढ्दै प्रतिऔंस ३०.२८ डलर कायम भएको छ ।