सिवाईसी नेपाल लघुवित्तको स्थगित साधारण सभाको मिति पुनःतय

काठमाण्डौ । सिवाईसी नेपाल लघुवित्त वित्तीय संस्था लिमिटेडको स्थगित साधारण सभा फेरि आयोजना हुने भएको छ । गत पुस २९ गते पोखरामा रहेको होटल दिपसागरमा बिहान ११ बजेदेखि आयोजना गर्ने तय भएको साधारण सभा गणपूरक संख्या नपुगेका कारण स्थगित भएको थियो ।  

अब उक्त सभा माद्द १२ गते पोखरामा रहेको होटल दिपसागरमा बिहान ११ बजेदेखि सुरु हुनेछ । पुस २९ गते बसेको संस्थाको सञ्चालक समितिको बैठकले यस्तो निर्णय गरेको हो ।  

उक्त सभा संस्थाको ठेगाना परिवर्तन,प्रबन्धपत्र तथा नियमावलीमा समसामायिक थप÷संशोधन गर्ने विशेष प्रस्ताव पारित गरिनेछ । यस्तै अन्य लघुवित्तसँग एक आपसमा गाभ्ने÷गाभिने तथा प्राप्ति प्रयोजनका लागि आवश्यक सम्पूर्ण कार्य गर्नका लागि सञ्चालक समितिलाई अख्तियारी प्रदान गर्ने प्रस्ताव समेत पारित गरिनेछ ।  

यस्तै सञ्चालक समितिको वार्षिक प्रतिवेदनमाथि छलफल गरी पारित गर्ने, लेखापरीक्षकको प्रतिवेदनसहित आव २०८०र८१ को वित्तीय विवरणमाथि छलफल गरी पारित गर्ने र चालु आवका लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव पारित गरिनेछ ।  

साधारण सभा प्रयोजनका लागि संस्थाले पुस १८ गते एक दिनका लागि बुक क्लोज गरिसकेको छ । यसर्थ पुस १७ गतेसम्म नेप्सेमा कारोबार भई कायम भएका सेयरधनीहरु मात्रै सभामा भाग लिन सक्नेछन् ।