.gif)
_(1).gif)
.png)
काठमाण्डौ । सञ्चालमा रहेका २४ जीवन तथा निर्जीवन बीमा कम्पनीहरुले कर्मचारीलाई सुविधा स्वरुप बोनस बाँड्न कुल ५ अर्ब २२ करोड १६ लाख रुपैयाँ छुट्याएका छन् ।
बीमा कम्पनीहरुले अघिल्लो वर्षको तुलनामा कर्मचारीलाई दिने सुविधा तथा बोनस रकम यस वर्ष २७.६५ प्रतिशतले बढाएका हुन् । अघिल्लो वर्ष कम्पनीहरुले ४ अर्ब ९ करोड ४ लाख रुपैयाँ कर्मचारीलाई बाँड्न छुट्याएका थिए ।
चालु आर्थिक वर्षको ६ महिनासम्ममा जीवन बीमा कम्पनीहरुले आफ्ना कर्मचारीलाई बाँड्न कुल २ अर्ब ८९ करोड ७ लाख रुपैयाँ छुट्याएका छन् भने निर्जीवन बीमा कम्पनीहरुले २ अर्ब ३३ करोड ८ लाख रुपैयाँ छुट्याएका छन् ।
जीवन र निर्जीवन दुबै कम्पनीले कर्मचारीको सुविधा खर्च रकम बढाएका छन् । जीवन बीमा कम्पनीहरुले १३ प्रतिशत र निर्जीवन बीमा कम्पनीहरुले ५२.१२ प्रतिशतले यस्तो रकम बढाएका छन् ।
बीमा कम्पनीमा कार्यरत कर्मचारीलाई वर्षेनी ‘बोनस व्यवस्था’को सुविधा रहेको हुन्छ । बीमा कम्पनीहरुले प्रकाशित गर्ने वित्तीय विवरणमा ‘कर्मचारी लाभ खर्च’ शीर्षक छुट्याएका हुन्छन् ।
.gif)
यस्तो शीर्षकको रकम कर्मचारीलाई दिइने बोनसको रुपमा बुझ्न सकिन्छ वा कम्पनीले आफ्ना कर्मचारीलाई सुविधा दिन वा कर्मचारीको फाइदाका लागि खर्चिएको रकम बुझिन्छ । यस्ता खालका रकम नगद वा गैह्र–नगद पनि हुन सक्छ ।
जसमा न्यूनतम पारिश्रमिक प्राप्त गर्ने कर्मचारीहरुलाई स्वास्थ्य बीमा लगायत अन्य लत्ताकपडा वा अन्य वस्तु किनमेल खर्चको समेत व्यवस्था रहेको हुन्छ । साथै केही कम्पनीहरुले कर्मचारीको कामको प्रशंसा वापत समेत यस्ता शीर्षकमा रकम छुट्याएका हुन्छन् ।
जीवन बीमा तर्फ हिमालयन लाइफले बनायो कर्मचारी मख्ख
आर्थिक वर्ष २०८०/८१ को ६ महिनासम्ममा जीवन बीमा कम्पनीहरुले मात्रै २ अर्ब ८९ करोड रुपैयाँ कर्मचारीको सुविधाका लागि छुट्याएका छन् ।
तथ्याङ्कअनुसार सबैभन्दा बढी हिमालयन लाइफ इन्स्योरेन्सले कर्मचारीलाई मख्ख बनाएको छ । कम्पनीले कुल ४२ करोड ९५ लाख रुपैयाँ यस्तो शीर्षकमा छुट्याएको छ ।
त्यस्तै, दोस्रोमा नेपाल लाइफले ४० करोड ११ लाख, तेस्रोमा सुर्यज्योति लाइफले ३२ करोड ४४ लाख रुपैयाँ कर्मचारी सुविधाको लागि छुट्याएको छ । यता नेशनल लाइफले २३ करोड ६१ लाख र सानिमा रिलायन्स लाइफले २० करोड ३७ लाख रुपैयाँ छुट्याएको छ ।
सबैभन्दा थोरै सरकारी स्वामित्वमा रहेको राष्ट्रिय जीवन बीमा कम्पनीले जम्मा ११ लाख ७१ हजार रुपैयाँ छुट्याएको छ ।
यता गत वर्षको तुलनामा तीन जीवन बीमा कम्पनीको यस्तो रकम भने घट्न पुगेको छ । हिमालयन लाइफ, एलआइसी नेपाल र एशियन लाइफको यस्तो रकम गत वर्षको तुलनामा घट्दा सर्वाधिक सानिमा रिलायन्स लाइफले भने ११३.८९ प्रतिशतले बढाएको छ ।
निर्जीवन बीमातर्फ सिद्धार्थ प्रिमियर इन्स्योरेन्सको सर्वाधिक
निर्जीवन बीमा कम्पनीहरुले कर्मचारीलाई सुविधा स्वरुप बोनस बाँड्न कुल २ अर्ब ३३ करोड रुपैयाँ छुट्याएको छ । सबैभन्दा बढी सिद्धार्थ प्रिमियर इन्स्योरेन्सले २५ करोड ५२ लाख रुपैयाँ यस्तो शीर्षकमा छुट्याएको छ ।
त्यस्तै, सगरमाथा लुम्बिनी इन्स्योरेन्सले २५ करोड ३५ लाख, शिखर इन्स्योरेन्सले २३ करोड ५५ लाख, आइजीआई प्रुडेन्सियल इन्स्योरेन्सले २० करोड ५५ लाख र युनाइटेड अजोड इन्स्योरेन्सले २० करोड ३३ लाख रुपैयाँ कर्मचारी लाभ खर्च शीर्षकमा छुट्याएको छ ।
गत वर्षको तुलनामा सबै कम्पनीले यस्तो रकम बढाएको छ । सबैभन्दा बढी ओरियण्टल इन्स्योरेन्सले ३५० प्रतिशतले बृद्धि गरेको छ । त्यस्तै, सगरमाथा लुम्बिनी इन्स्योरेन्सले १०४.२९ प्रतिशत, सिद्धार्थ प्रिमियरले ८९.७४ प्रतिशत र आइजीआई प्रुडेन्सियल इन्स्योरेन्सले ८१.८६ प्रतितशले बृद्धि गरेको छ ।
.png)
(2).png)
.jpg)
.jpg)
(1).png)
.gif)
.gif)
.gif)
