.gif)
(2).gif)
.jpg)
_(1).gif)
.png)
काठमाण्डौ । गूगलको माउ कम्पनी अल्फाबेटको सेयरमूल्य स्ट स्प्लिट गरेपछि पहिलोपटक प्रतिकित्ता २ सय डलर पुगेको छ । लगानीकर्ताले एआईप्रति कम्पनीको सम्भावना वृद्धि भएको देखेसँगै सेयरमूल्यमा वृद्धि देखिएको हो ।
पछिल्लो कारोबारमा अल्फाबेटको मूल्य १.१ प्रतिशतले बढेको छ । यससँगै कम्पनीको सेयरमूल्य प्रतिकित्ता २००.२१ डलरमा बन्द भएको छ । पछिल्लो एक सातामा कम्पनीको सेयरमूल्य २ प्रतिशतभन्दा बढीले बढेको छ ।
यो वर्षको सुरुवातदेखि हालसम्म भने कम्पनीको सेयरमूल्यमा ६ प्रतिशतको वृद्धि देखिएको छ । अमेरिकी सेयर बजार मापक इनडेक्स नास्डक भने यो वर्ष ३ प्रतिशतले बढेको छ ।
.gif)
अल्फाबेटले सन् २०२२ मा १ कित्ताबराबर २० हुनेगरी स्टक स्प्लिट गरेको थियो । स्टक स्प्लिट गर्दाबखत कम्पनीको सेयरमूल्य प्रतिकित्ता २ हजार ७५० डलर कायम थियो । स्टक स्प्लिटपश्चात भने कम्पनीको सेयरमूल्य प्रतिकित्ता १३७.५० डलर कायम थियो ।
ठूला पूँजी भएका अमेरिकी कम्पनीहरुले आगामी सातादेखि वित्तीय विवरण सार्वजनिक गर्दैछन् । माइक्रोसफ्ट, मेटा र टेस्लाले बुधबार र एप्पलले बिहिबार आफ्नो वित्तीय विवरण सार्वजनिक गर्दैछन् । अल्फाबेटले भने चौथो त्रैमासिक प्रतिवेदन आगामी फेब्रुअरी ४ मा सार्वजनिक गर्ने निर्णय गरेको छ ।
तेस्रो त्रैमासमा कम्पनीको आम्दानी १५ प्रतिशतले बढेको थियो ।
.png)
.jpg)
(2).png)
(1).gif)
.gif)
