'नयाँ स्टक एक्सचेञ्जको विषयमा कुनै निर्णय भएन'

काठमाण्डौ । नेपाल धितोपत्र बोर्डको आज बसेको सञ्चालक समितिको बैठकले नयाँ स्टक एक्सचेञ्जको विषयमा निर्णय लिन सकेन ।  

अर्थमन्त्रालयबाट मन्त्रिपरिषद बैठकको निर्णयको कपीसहित नेपाल धितोपत्र बोर्डमा पत्र गएपछि नयाँ स्टक एक्सचेञ्जलाई लाइसेन्स दिने विषयमा केन्द्रीत रहेर आज बोर्ड बैठक बोलाइएको थियो । 

बैठकमा नयाँ स्टक एक्सचेञ्जको विषयमा छलफल चले पनि निर्णय भने नभएको एक सञ्चालकले जानकारी दिए । 

'नयाँ स्टक एक्सचेञ्जलाई लाइसेन्स दिने विषयलाई छलफलकै क्रममा राख्ने गरी आजको बैठक सकिएको छ ।' स्रोतले भन्यो-' आजको बैठकले ठोस निर्णय गरेन ।'  

आगामी बोर्ड बैठकबाट सो विषयमा निर्णय हुनसक्ने आँकलन गरिएको छ ।