नेप्सेको चार्टमा बन्यो ‘ग्रिन शुटिङ स्टार’, के होला अब बजार ?

काठमाण्डौ ।  अघिल्लो दिन करिब ७० अंकले बढेको बजार आज सामान्य अंकले बढेको छ । प्राविधिक रुपमा आजको बजारलाई नियाल्दा बोलिङ्गर ब्याण्डको अपर ब्याण्डमा ग्रिन शुटिङ स्टार बनेको छ । रेड शुटिङ स्टार भनेको सूचक तथा कम्पनीको सेयर मूल्य ओपनिङ रेञ्ज भन्दा तल बन्द भएको अवस्थामा बन्छ ।  

यस्तो शुटिङ स्टार बढी पावर फुल भएको बुझिन्छ । त्यसैगरि, ग्रिन शुटिङ भनेको ओपिनिङ रेञ्जभन्दा  माथि बन्द भएको अवस्थामा बन्छ । अर्थात बजार बढेर बन्द भएको अवस्थामा बन्ने गर्छ । शुटिङ स्टार भनेको बजार बियरिस जाँदै गरेको संकेत हो ।  

तर रेड शुटिङ स्टार भन्दा ग्रिन शुटिङ स्टारको तुलनामा कम शक्तिशाली हुने गर्छ । यद्यपि बजारको अवस्था कस्तो भन्ने आगमी दिनमा बन्ने क्याण्डलले निधारण गर्नेछ । म्याक्डीमा बजारमा यस अघिनै बुलिस क्रस ओभर बनेको छ । मनी फ्लो  इन्डेक्स र आरएसआइमा बुलिस नै देखिन्छ ।  

यस अघि पनि ग्रिन शुटिङ स्टार बन्दा बजार केही दिन सानो अंकले बढेर बुलिस यात्रा तय गर्दै गरेको देखिन्छ । यस कारण आजको ग्रिन शुटिङ स्टार पनि त्यही अवस्थाको हुन सक्छ । जसलाई आगामी कारोबारको क्याण्डले थप प्रष्ट पार्नेछ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।