एशियन हाईड्रोपावर १.०४ करोड घाटामा, यस्तो छ समग्र वित्तीय अवस्था

काठमाण्डौ । एशियन हाईड्रोपावर १ करोड ४ लाख रुपैयाँ घाटामा रहेको छ। अघिल्लो आवसम्म भने कम्पनीको घाटा २ करोड २९ लाख रुपैयाँबराबर रहेको थियो ।  

कम्पनीले विद्युत बिक्रीमार्फत ७ करोड ९७ लाख रुपैयाँबराबरको आम्दानी गरेको छ । यो रकम अघिल्लो आवसम्म कम्पनीले आर्जन गरेको ७ करोड ७९ लाख रुपैयाँको तुलनामा २.३३ प्रतिशतले बढी हो । कम्पनीको प्रशासनिक खर्च ९४ लाख २१ हजार रुपैयाँबाट घटेर ८३ लाख ७३ हजार रुपैयाँ पुगेको छ ।  

यस्तै कम्पनीको वित्त खर्च ४ करोड ७६ लाख रुपैयाँ रहेको छ । कम्पनीको चुक्तापूँजी ३४ करोड रुपैयाँबराबर रहेको छ । अघिल्लो आवसम्म १ करोड ९० लाख रुपैयाँबराबरको रहेको रिजर्भको आकार २ करोड ७० लाख रुपैयाँले ऋणात्मक अवस्थामा छ ।  

कम्पनीको कुल चालु सम्पत्ति ८ करोड ७१ लाख र कुल चालु दायित्व ८७ करोड ४४ लाख रुपैयाँ रहेको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस)३.०८ रुपैयाँ ऋणात्मक, प्रतिसेयर नेटवर्थ ९२.०४ रुपैयाँ र तरलता अनुपात ०.६१ प्रतिशत कायम भएको छ ।