.gif)
_(1).gif)
.png)
.png)
काठमाण्डौ । विद्युत बिक्री आम्दानीमा आएको सुधार र वित्त खर्च घटेसँगै रुरु जलविद्युत परियोजना लिमिटेडको नाफा सामान्य बढेको छ । कम्पनीले चालु आवको दोस्रो त्रैमाससम्म ६ करोड रुपैयाँ नाफा कमाएको छ । यो रकम अघिल्लो आवको सोही अवधिको तुलनामा १.९२ प्रतिशतले धेरै हो । अघिल्लो आवको दोस्रो त्रैमाससम्म कम्पनीले ५ करोड ८९ लाख रुपैयाँ नाफा कमाएको थियो ।
यो अवधिमा कम्पनीले विद्युत बिक्रीमार्फत ९ करोड २२ लाख रुपैयाँबराबरको खुद आम्दानी गरेको छ । यो अघिल्लो आवको तुलनामा ०.९८ प्रतिशतले बढी हो । कम्पनीले ९४ हजार रुपैयाँबराबरको वित्त आम्दानी गरेको छ । कम्पनीको प्रशासनिक खर्च ६ लाख १२ हजार रुपैयाँ रहेको छ ।
.gif)
कम्पनीको चुक्तापूँजी ५६ करोड ७३ लाख रुपैयाँ रहेको छ । दोस्रो त्रैमाससम्म कम्पनीको रिजर्भको आकार २५.३२ प्रतिशतले घटेर १६ करोड ४५ लाख रुपैयाँमा सीमित बनेको छ । कम्पनीको कुल चालु सम्पत्ति १८ करोड ५ लाख र कुल चालु दायित्व १० करोड ९० लाख रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस) २१.१८ रुपैयाँ ,प्रतिसेयर नेटवर्थ १२९ रुपैयाँ,प्रतिसेयर कुल सम्पत्तिको मूल्य १५४.६२ रुपैयाँ मूल्य आम्दानी अनुपात ३४.४२ गुणा र तरलता अनुपात १.६६ प्रतिशत कायम भएको छ ।
.png)
.jpg)
(1).jpg)
(1)(1).png)
.gif)
.gif)
.gif)
