गत आवमा घाटामा रहेको हाथवे इन्भेष्टमेन्टले कमायो १.४९ करोड खुद नाफा

काठमाण्डौ । गत आवको दोस्रो त्रैमाससम्म घाटामा रहेको हाथवे इन्भेष्टमेन्ट नेपाल लिमिटेड नाफा आर्जन गर्न सफल भएको छ । आम्दानी बढ्दा र खर्च घट्दा कम्पनी नाफामा गएको हो ।  

कम्पनील चालु आर्थिक वर्षको दोस्रो त्रैमाससम्म १ करोड ४९ लाख रुपैयाँ नाफा आर्जन गरेको छ । अघिल्लो आवको सोही अवधिसम्म भने कम्पनी ५९ लाख ८२ हजार रुपैयाँ घाटामा रहेको थियो ।    

कम्पनीले समीक्षा अवधिसम्म ५ करोड ६१ लाख रुपैयाँ कुल आम्दानी गरेको छ । जुन अघिल्लो आवको सोहि अवधिको तुलनामा ६५.५४ प्रतिशतले बढी हो । कम्पनीको कुल खर्च घटेको छ । अघिल्लो आवको दोस्रो त्रैमाससम्म ३ करोड ९९ लाख रुपैयाँ रहेको कम्पनीको कुल खर्च घटेर ३ करोड ६७ लाख रुपैयाँमा सीमित बनेको छ । कम्पनीले यो अवधिसम्म ११ करोड ४९ लाख रुपैयाँ लगानी गरेको छ ।  

कम्पनीको रिटेन्ड अर्निङ २६ करोड १९ लाख रुपैयाँ रहेको छ । यस्तै कम्पनीको फेयर भ्यालु रिजर्भमा ३९ करोड ३६ लाख रुपैयाँ सञ्चित छ । कम्पनीको चुक्तापूँजी १ अर्ब ४१ करोड रुपैयाँ रहेको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस)१.०५ रुपैयाँ, प्रतिसेयर नेटवर्थ ७३.१५ ,प्रतिसेयर कुल सम्पत्तिको मूल्य ९६.२२ रुपैयाँ र मूल्य आम्दानी अनुपात १२७१.२२ गुणा कायम भएको छ ।