चन्द्रागिरी हिल्सद्वारा ६.६४ करोड खुद नाफा आर्जन, अन्य कुन सूचकको अवस्था कस्तो ?

STOCK MARKET
मंगलवार, माघ २९,२०८१ 10:27:52

काठमाण्डौ । चन्द्रागिरी हिल्स लिमिटडले चालु आवको दोस्रो त्रैमाससम्म ६ करोड ६४ लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा ५.७८ प्रतिशतले बढी हो । अघिल्लो आवको दोस्रो त्रैमाससम्म भने कम्पनीले ६ करोड २८ लाख रुपैयाँबराबरको खुद नाफा कमाएको थियो ।

यो अवधिमा कम्पनीको आम्दानी भने ७.६५ प्रतिशतले घटेको छ । अघिल्लो आवको दोस्रो त्रैमाससम्म ४५ करोड ७५ लाख रुपैयाँबराबरको रहेको आम्दानी घटेर ४२ करोड २५लाख रुपैयाँमा सीमित बनेको छ ।

यो अवधिसम्म कम्पनीले २४ लाख ४२ हजार रुपैयाँबराबरको अन्य आम्दानी गरेको छ । कम्पनीको कुल खर्च १४ करोड ४ लाख रुपैयाँ रहेको छ । यसका साथै कम्पनीले वित्त खर्च १२ करोड ८० लाखबाट घटेर ८ करोड ७३ लाख रुपैयाँमा सीमित बनेको छ ।

कम्पनीको रिजर्भ कोषको आकार भने ४१ लाख ९५ हजार रुपैयाँले ऋणात्मक अवस्थामा छ । २९ करोड ४८ लाख रुपैयाँबराबरको कुल चालु सम्पत्ति भएको कम्पनीको कुल चालु दायित्व भने ११ करोड १२ लाख रुपैयाँबराबर रहेको छ ।

समीक्षा अवधिसम्म कम्पनीको प्रतिसेयर आम्दानी ४.४३ रुपैयाँ कायम भएको छ ।