नेपाल फाइनान्सको १०.९० लाख कित्ता संस्थापक सेयर बिक्रीमा

काठमाण्डौ । नेपाल फाइनान्स लिमिटेडले १० लाख कित्ता बढी अवितरित हकप्रद सेयर बिक्रीमा राखेको छ । कम्पनीले १० लाख ९० हजार ३७१.१८७ कित्ता संस्थापक सेयर आजदेखि  बिक्रीमा राखेको हो ।  

यो सेयर खरिदका लागि जो सुकै व्यक्ति तथा कम्पनीले आवेदन दिन सक्नेछन् । सेयरको न्यूनतम मूल्य प्रतिकित्ता १०० रुपैयाँ निर्धारण गरिएको छ । बोलपत्र पेश गर्दा न्यूनतम १ हजार कित्ता र अधिकतममा सम्पूर्ण कित्ताका लागि पेश गर्न सकिनेछ । लगानीकर्ताले कमलादीस्थित प्रभु क्यापिटल, नेपाल फाइनान्सको केन्द्रीय कार्यालय तथा बनेपा, माछापुच्छ्रे,लगनखेल र तिलोत्तमा शाखा कार्यालय र प्रभु बैंकको शाखा कार्यालयहरु विरागटनगर, वीरगञ्ज,पोखरा,नेपालगञ्ज,सुर्खेत र धनगढीमा बोलपत्र आवेदन पेश गर्न सक्नेछन् ।  

आवेदन पेश गर्ने अन्तिम मिति चैत ८ गते रहेको छ ।