फरवार्ड माइक्रोफाइनान्सद्वारा ८८.५२ लाख नाफा आर्जन, वितरणयोग्य मुनाफा कति ?

काठमाण्डौ । फरवार्ड माइक्रोफाइनान्स लघुवित्त वित्तीय संस्था लिमिटेडले ८८ लाख ५२ हजार रुपैयाँ खुद नाफा आर्जन गरेको । संस्थाले यो नाफा चालु आवको दोस्रो त्रैमाससम्म आर्जन गरेको छ ।  

अघिल्लो आवको सोही अवधिसम्म भने संस्था २ करोड ५८ लाख रुपैयाँ घाटामा थियो । संस्थाको खुद ब्याज आम्दानी भने १८.२३ प्रतिशतले घटेको छ । संस्थाले ४६ करोड  ६० लाख रुपैयाँबराबरको खुद ब्याज आम्दानी गरेको छ । खुद शुल्क तथा कमिशन आम्दानी ७ करोड ८८ र खुद सञ्चालन आम्दानी २८ करोड ८४ लाख रुपैयाँ रहेको छ ।

संस्थाले रिटेन्ड अर्निङको आकार ६७.८५ प्रतिशतले घटेर १३ करोड ६१ लाख रुपैयाँमा सीमित बनेको छ । संस्थाले रिजर्भको आकार भने १ अर्ब २३ करोड रुपैयाँबाट बढाएर १ अर्ब ६८ करोड रुपैयाँ पुर्याएको छ ।  

दोस्रो त्रैमाससम्ममा ९ अर्ब ४१ करोड रुपैयाँबराबरको निक्षेप संकलन गरेको संस्थाले २० अर्ब १ करोड रुपैयाँबराबरको कर्जा प्रवाह गरेको छ ।  

संस्थाको वितरणयोग्य मुनाफा ४२ करोड ३५ लाख रुपैयाँबाट घटेर १३ करोड ६१ लाख रुपैयाँमा खुम्चिएको छ । संस्थाको खराब कर्जा अनुपात ७.७१ प्रतिशतबाट घटेर ५.३५ प्रतिशतमा सििमत बनेको छ ।  

समीक्षा अवधिसम्म संस्थाको प्रतिसेयर आम्दानी १.४८ रुपैयाँ, प्रतिसेयर नेटवर्थ २५१.९४ रुपैयाँ,प्रति सेयर कुल सम्पत्तिको मूल्य १ हजार ८२०.१९ रुपैयाँ, मूल्य आम्दानी अनुपात ८४३.६८ गुणा र तरलता अनुपात ४.७९ प्रतिशत कायम भएको छ ।